अन्तर विद्यालय टेबलटेनिस भोलीदेखी

काठमाडौं- एसएनबी मेमोरियल राष्ट्रिय अन्तर विद्यालय टेबलटेनिस प्रतियोगिता भोली (बिहिबार) देखी सुरु हुने भएको छ । आदर्श विद्या मन्दिरको आयोजनामा ४ दिने राष्ट्रिय अन्तर विद्यालय टेबलटेनिस प्रतियोगिता हुने आयाजकले एक विज्ञाप्तीमार्फत जानकरी दिएको हो । 

जेठ २३ देखी २६ गते सम्म आदर्श विद्या मन्दिरको प्राङ्गडमा हुने प्रतियोगितामा देश भरीका विभिन्न ३०० भन्दा बढी खेलाडीको सहभागीता रहेको छ । सहभागी खेलाडीले ब्वाइज तथा गल्स यू-१०, यू-१२, यू-१४, यू-१६ र यू-१८ उमेर समूहमा प्रतिस्पर्धा गर्ने छन् । 

त्यस्तै ब्वाइज तथा गल्स टिम, डबल्स र मिक्स डबल्समा प्रतिस्पर्धा गर्ने छन् । प्रतियोगिताको विजेता खेलाडीले मेडल तथा प्रमाण पत्र प्राप्त गर्ने छन् ।