शाकिब र मुशफिकुरको अर्धशतकमा दक्षिण अफ्रीकालाई विशाल लक्ष्य

एजेन्सी- मुशफिकुर रहिम र शाकिब अल हसनको अर्धशतको मद्दतले आईसीसी एकदिवसीय विश्वकप क्रिकेटमा बंगलादेशले दक्षिण अफ्रीका लागि विशाल लक्ष्य सुम्पेको छ । टस हारेर पहिले ब्याटिङ गरेको बंगलादेशले निर्धारित ५० ओभरमा ६ विकेट गुमाउँदै दक्षिण अफ्रीका लागि ३ सय ३१ रनको विशाल लक्ष्य सुम्पेको हो ।
 
बंगलादेशका लागि मुशफिकुरले ७८ रनको अर्धशतकीय पारी खेलेका हुन् । उनले ८० बलमा ८ चौका प्रहार गर्दै ७८ रनको उत्कृष्ट अर्धशतकीय पारी खेलेका हुन् । त्यस्तै शाकिबले ७५ रनको उत्कृष्ट अर्धशतकीय पारी खेले  । 

उनले ८४ बलमो सामना गर्दै ८ चौका एक १ छक्का सहित ७५ रन जोडेका हुन् । महमुदल्लाले ३३ बलमा ३ चौका र १ छक्का प्रहार गर्दै ४६ रन जोडे । सौम्य सरकारले ३० बलमा ९ चौका सहित ४२ रन जोडे । मोसाद्दिक होसैनले २६, मोहम्मद मिथुनले २१ र तामिमले १६ रन जोडे ।  

दक्षिण अफ्रीका लागि इमरान ताहीर, अन्दील फेलुक्वायो र क्रिस मोरिसले समान दुई दुई विकेट लिए ।