वार्नर र फिन्च चम्कदा अष्ट्रेलिया विजयी 

एजेन्सी- आईसीसी एकदिवसीय विश्वकप क्रिकेटमा अष्ट्रेलियाले सानदार विजयी सुरुवात गरेको छ । शनिबार भएको खेलमा अफगानिस्तानलाई ७ विकेटले पराजित गर्दै अष्ट्रेलिया विजयी भएको हो ।

टस जितेर पहिले ब्याटिङ गरेको अफगानिस्तानले दिएको २०८ रनको लक्ष्य अष्ट्रेलियाले ३४.४ ओभरमा मात्र ३ विकेट गुमाएर भट्टायो । अष्ट्रेलियाका लागि डेभिड वार्नर र कप्तान आरोन फिन्चले अर्धशतकीय पारी खेले । वार्नरले ११४ बलमा ८ चौका प्रहार गदै अविजित ८९ रनको योगदान दिए । त्यस्तै फिन्चले ४९ बलमा ६ चौका र ४ छक्काको सहयोगमा  ६६ रन जोडे ।

स्टिभ स्मिथ १८ तथा उस्मान ख्वाजाले १५ रन जोडे ।  अफगानिस्तानका गुल्बादीन नाईब, मुजिब उर रहमान र राशिद खानले समान एक एक विकेट लिए । 

यसअघि अफगानिस्तानले ३८.२ ओभरमा सबै विकेट गुमाउँदै २ सय ७ रन जोडेको थियो । खराब सुरुवात गरेको अफगानिस्तानका लागि नजिबुल्लाह जाद्रनले अर्धशतकीय पारी खेले । उनले ४९ बलमा ७ चौका र २ छक्काको मद्दतमा ५१ रनको अर्धशतकीय पारी खेलेका हुन् ।

रहमत शाह अर्धशतक बनाउबाट सात रनले चुके । उनले ६० बल खेल्दै ६ चौकाको मद्दतमा ४३ रन जोडे । कप्तान गुल्बादिन नइबले ३१ रन जोडे । राशिद खानले आक्रमक ब्याटिङ गर्दै ११ बलमा २ चौका र ३ छक्का सहित २७ रनको योगदान दिए । 

उनले ३३ बलमा ४ चौका र १ छक्का प्रहार गर्दै ३१ रन जोडेका हुन् । हश्मतुल्लाह शाहिदले ३४ बलमा ३ चौका सहित १८ रन जोडे । मुजिव उर रहमनले ९ बलमा १ चौका र १ छक्काको मद्दतमा १३ रन जोडे । 

अष्ट्रेलियाका लागि अदाम पट कुमिन्स र जाम्पाले समान तीन तीन तथा मार्कुस स्टोनिस दुई विकेट लिए । त्यस्तै मिचेल स्ट्रकले एक एक विकेट लिए ।