न्युजल्यान्डको जितका लागि गुप्टिल र मुन्रोको अविजित पारी

एजेन्सी- न्युजल्यान्डको जितका लागि मार्टिन गुप्टिल र कोलिन मुन्रोको अवजित अर्धशतकीय पारी खेलेका छन् । शनिबार भएको श्रीलंकासँगको खेलमा १३७ रनको लक्ष्य पाएको न्युजल्यान्डका लागि गुप्टिल र मुन्रोले अविजित अर्धशतकीय पारी खेलेका हुन् । यससँगै श्रीलंका न्युजल्यान्डसँग १० विकेटले पराजित भएको छ । 

न्युजल्यान्डका लागि गुल्टिलले ५१ बलमा  ८ चौका र २ छक्का प्रहार गर्दै ७३ रनको अविजित पारी खेल । त्यस्तै मुन्रोले ४७ बलमा ६ चौका र १ छक्का प्रहार गर्दै ५८ रनको अर्धशतकीय पारी खेलका हुन् । न्युजल्यान्डका ओपनरद्वयलाई श्रीलंकाका कुनै पनि बलरले पेभिलियन फर्काउन सकेनन् । गुप्टिल र मुन्रोले १६.१ ओभरमा श्रीलंकाले दिएको १३७ रनको सामान्य लक्ष्य विना विकेटको क्षतीमा पुरा गरेका हुन् ।

यसअघि टस हारेर पहिले ब्याटिङको निम्तो पाएको श्रीलंकाले २९.२ ओभरमा सबै विकेट गुमाउँदै मात्र १ सय ३६ रनमा जोडेको थियो । श्रीलंकाका लागि डिमुथ करुनारत्नले अर्धसतकीय पारी खेले पनि टोलीका जितका लागि प्रयाप्त भएन् । 

उनले १४६ बलमा ४ चौकाको मद्दतमा ५२ रन जोडेका थिए । त्यस्तै कुसल परेराले २९ रन जोडे । उनले २९ बल खेल्दै ४ चौका प्रहार गरेका थिए । थिसारा परेराले २३ बलमा २ छक्का सहित २७ रन जोड्दा अन्य ब्याट्सम्यानले भने न्युजल्यान्डका बलर सामु खुलेर मैदानमा जम्न सकेनन् । 

श्रीलंकाले पहिलो ओभरको दोस्रो बलमा नै मात्र ४ रन जोड्दा पहिलो विकेटको रुपमा लाहिरु थिरिमानेलाई गुमाएको थियो । नवौं ओभरको पहिलो बलमा नै कुसल परेरालाई गुमाउँदा दोस्रो बलमा कुसल मेन्डीज शुन्य रनमा पेभिलियन फर्किए । नवौं ओभरमा ४६ रन जोड्दा ३ विकेट गुमाएको श्रीलंकाले ५३ रन पुग्दा चौथो विकेटको रुपमा धनन्जन्ने डे सिल्भालाई गुमायो । 

पाँचौ विकेटको रुपमा शुन्य रनमा एन्जेलो म्याथिउजलाई गुमाउँदा छैटौं विकेटको रुपमा जीवन मेन्डीजलाई गुमाएको थियो । १६ औं ओभरमा ६० रन पुग्दा ६ विकेट गुमाएको श्रीलंकाका लागि थिसारा परेराले करुनारत्नसँग मिलेर केही हदसम्म श्रीलंकाको पारी उकासेका थिए । उनले करुनारत्नलसँग ५२ रनको साझेदारी गरेका थिए । तर, २४ औं ओभरमा मिचिल सान्टनरको बलमा क्याचआउट भए । 

न्युजल्यान्डका लागि माट हेन्री र लक्की फग्युसनले समान तीन तीन विकेट लिए । त्यस्तै कोलिन डे ग्रान्डोमी, जेम्स नीशाम, ट्रेन्ट बोल्ट र मिचिल सान्टनरले एक एक विकेट लिए ।