न्युजल्यान्डसामु श्रीलंका सस्तैमा समेटियो 

एजेन्सी- आईसीसी एकदिवसीय विश्वकप क्रिकेटमा श्रीलंका न्युजल्यान्डका बलर सामु सस्तैमा सकेटिएको छ । टस हारेर पहिले ब्याटिङको निम्तो पाएको श्रीलंकाले २९.२ ओभरमा सबै विकेट गुमाउँदै मात्र १ सय ३६ रनमा समेटिएको हो ।  

श्रीलंकाका लागि डिमुथ करुनारत्नले अर्धसतकीय पारी खेले । उनले १४६ बलमा ४ चौकाको मद्दतमा ५२ रन जोडेका हुन् । त्यस्तै कुसल परेराले २९ रन जोडे । उनले २९ बल खेल्दै ४ चौका प्रहार गरेका थिए । थिसारा परेराले २घ बलमा २ छक्का सहित २७ रन जोड्दा अन्य ब्याट्सम्यानले भने न्युजल्यान्डका बलर सामु खुलेर मैदानमा जम्न सकेनन् । 

श्रीलंकाले पहिलो ओभरको दोस्रो बलमा नै मात्र ४ रन जोड्दा पहिलो विकेटको रुपमा लाहिरु थिरिमानेलाई गुमाएको थियो । नवौं ओभरको पहिलो बलमा नै कुसल परेरालाई गुमाउँदा दोस्रो बलमा कुसल मेन्डीज शुन्य रनमा पेभिलियन फर्किए । नवौं ओभरमा ४६ रन जोड्दा ३ विकेट गुमाएको श्रीलंकाले ५३ रन पुग्दा चौथो विकेटको रुपमा धनन्जन्ने डे सिल्भालाई गुमायो । 

पाँचौ विकेटको रुपमा शुन्य रनमा एन्जेलो म्याथिउजलाई गुमाउँदा छैटौं विकेटको रुपमा जीवन मेन्डीजलाई गुमाएको थियो । १६ औं ओभरमा ६० रन पुग्दा ६ विकेट गुमाएको श्रीलंकाका लागि थिसारा परेराले करुनारत्नसँग मिलेर केही हदसम्म श्रीलंकाको पारी उकासेका थिए । उनले करुनारत्नलसँग ५२ रनको साझेदारी गरेका थिए । तर, २४ औं ओभरमा मिचिल सान्टनरको बलमा क्याचआउट भए । 

न्युजल्यान्डका लागि माट हेन्री र लक्की फग्युसनले समान तीन तीन विकेट लिए । त्यस्तै कोलिन डे ग्रान्डोमी, जेम्स नीशाम, ट्रेन्ट बोल्ट र मिचिल सान्टनरले एक एक विकेट लिए ।