विश्वकप : आज दुई खेल हुँदै

एजेन्सी- आईसीसी एकदिवसीय विश्वकप क्रिकेट अन्र्तगत आज (शनिबार) दुई खेल हुदैछ । पहिलो खेलमा न्युजिल्याण्ड र श्रीलंकाले प्रतिस्पर्धा गर्ने छन् भने दोस्रो खेलमा अफगानिस्तानले अष्ट्रेलियाको चुनौती सामना गर्ने छ । 

न्युजिल्याण्ड र श्रीलंकाबीचको खेल नेपाली समय अनुसार दिउँसो ३:१५ बजे सुरु हुनेछ । त्यस्तै आजै हुने दोस्रो खेल बेलुका ६:१५ बजे सुरु हनेछ । पछिल्लो समय लयमा देखीएको न्युजल्यान्ड श्रीलंकालाई पराजित गर्दै प्रतियोगितामा सुखद सुरुवात गर्न चाहन्छ ।

 किनकी न्युजल्यान्डसँग वार्मअप खेलमा विश्वकपको मुख्य दाबेदारको रुपमा हेरीएको भारतलाई २ सय रनमा समेटेको उच्च मनोबल छ । यता श्रीलंका भने पछिल्लो समय अस्ताएको आफ्नो क्रिकेटलाई विश्वकपको पहिलो खेलबाट विउझाउन चाहन्छ । किनकी श्रीलंकाका कुनै पनि ब्याट्म्यानले राम्रो खेल्न सकेका छैनन् ।  

आजै हुने दोस्रो खेलमा अष्ट्रेलिया तुलनात्मक रुपमा अफगानिस्तान भन्दा बलियो टोली हो । तर प्रतियोगितामा अप्रत्यासित नतिजा निकाल्न माहिर अफगानिस्तानले अष्ट्रेलियालाई पराजित गर्ने योजनामा छ । किनकी अफगापनस्तानका खेलाडी ब्याटिङ र बलिङ दुबै उत्तिकै सुधारिएका छन् ।