स्टोक्स चम्कदा इंग्ल्यान्डको सहज जित

एजेन्सी- बेन स्टोक्सले चम्कदा आईसीसी एकदिवसीय विश्वकप क्रिकेटमा इंग्ल्यान्डले विजयी सुरुवात गरेको छ । बिहिबार भएको उद्घाटन खेलमा दक्षिण अफ्रीकालाई १०४ रनले पराजित गर्दै इंग्ल्याण्डले विजयी सुरुवात गरेको हो ।

घरेलु टोलीले दिएको ३ सय १२ रनको लक्ष्य पछ्याएको दक्षिण अफ्रीका ३९.५ ओभरमा सबै विकेट गुमाउँदै मात्र २०७ रनमा बनाउन सक्यो । दक्षिण अफ्रीकाका लागि क्विनटन डी कक र भान डेर डुसेनले अर्धशतकीय पारी खेले पनि टोलीको जितका लागि प्रयाप्त भएन् । 

डी ककले ७४ बलमा ६ चौका र २ छक्का प्रहार गर्दै ६८ रनको योगदान दिएका थिए । डुसेनले ६१ बलको सामना गर्दै ४ चौका र १ छक्काकामे मद्दतमा ५० रन जोडे । त्यस्तै एडिले लक्कीले २४, हसिम अमलाले १३ तथा अइडेन मार्कन र कागिसो रबाडाले ११-११ रन जोडे । 

अन्य ब्याट्सम्यानले भने दोहोरो अंकमा रन छुन सकेनन् । इंग्ल्याण्डका जोफ्रा आर्चरले ३ विकेट लिए । त्यस्तै लियाम पुल्न्केट र बेन स्टोक्सले दुई दुई तथा अदिल रशिद र मोइन अलीले एक एक विकेट लिए ।

यसअघि टस हारेर पहिले ब्याटिङको निम्तो पाएको इंग्ल्यान्डका चार खेलाडी चम्कदा निर्धारित ५० ओभरमा ८ विकेट गुमाउँदै ३ सय ११ रन जोडेको थियो । इंग्ल्यान्डका लागि चार ब्याट्सम्यानले अर्धशतकीय पारी खेले । बेन स्टोक्सले उत्कृष्ट अर्धशतकीय पारी खेल्दा कप्तान इओन मोर्गन, जोसन रोय र जोइ रुटले अर्धशतकीय पारी खेले । स्टोक्सले ७९ बलमा ९ चौका प्रहार गर्दै ८९ रन जोडको हुन् ।

मोर्गनले ६० बलमा ४ चौका र ३ छक्का प्रहार गर्दै ५७ रन जोडे । रोयले ५३ बलमा ७ चौका पहर गर्दै ५४ रनको अर्धशतकीय पारी खेलेका हुन् । त्यस्तै रुटले ५९ बलमा ५ चौकाको मद्दतमा ५१ रनको योगदान दिए । जस बुटलरले १८ र क्रिस वोक्सले १३ रन जोडे ।

दक्षिण अफ्रीका लागि लुन्गी निडीले तीन विकेट लिए । त्यस्तै इमरान ताहिर र कागिसो रबाडाले समान दुई दुई विकेट लिदाँ एन्डिले फेलुक्वायोले एक विकेट लिए ।