नारायणी नदीमा हामफालेर पुरुष बेपत्ता

चितवन- नारायणी नदीको पुलबाट हामफालेर एक पुरुष बेपत्ता भएका छन्। मंगलबार बिहान करिब ७ बजे पुलबाट नदीमा हाम फालेका दाङको तुलसीपुर उपमहानगरपालिका वडा नम्बर–४ का ४५ वर्षीय अन्तुलप्रसाद गुप्ता बेपत्ता भएका हुन्।

पुलमा भेटिएको झोलाभित्र रहेको नागरिताको आधारमा प्रहरीले उनको पहिचान गरेको हो। जिल्ला प्रहरी कार्यालय चितवनका प्रवक्ता प्रहरी नायब उपरीक्षक सूर्य थापाले नारायणी नदीमा कुनै व्यक्तिले हामफालेको खबर आउना साथ प्रहरी टोलीले खोजतलास खटिएको बबताएका छन्।

अहिले नै हामफाल्ने व्यक्ति गुप्तानै हुन् भनेर यकिन गर्न नसकिने प्रहरीले जनाएको छ।