धुर्मुसले बनाउन लागेको रंगशालाको काम रोकियो

काठमाडौं- चितवनमा निर्माणाधिन गौतम बुद्ध अन्तर्राष्ट्रिय क्रिकेट मैदानको निर्माण कार्य स्थगित भएको छ ।

स्थानीयको नाम लिँदै अराजक व्यक्तिहरुले डोजर लगाएर निर्माणाधिन मैदान वरिपिर लगाएको तारबार तहस नहस पारेपछी सुरक्षाको पुर्ण अनुभूति नभएसम्मकालाई निर्माण कार्य स्थगित गरिएकोधुर्मुस सुन्तली फाउन्डेसनले एक विज्ञप्ती मार्फत जनाएको छ । 

नेकपाका स्थानीय नेता प्रकाश कँडेलको नेतृत्वमा रहेका एक समूहले बाटोको माग गर्दै डोजर प्रयोग गरेर तारबार भत्काएका थिए । फाउण्डेशनले प्रेस विज्ञप्ति निकाल्दै अराजक समूहबाट सुनियोजित ढंगबाट निर्माणाधीन रंगशालामा ठुलो क्षति पुर्राएको जनाएको छ । अब उक्त निर्माण कार्यमा संलग्न कर्मचारी र कामदारको ज्यान धनको सुरक्षामा खतरा पर्ने भएकाले सुरक्षाको पुर्ण अनुभूति नभएसम्मका लागि निर्माण कार्य स्थिगत हुने जनाएको छ ।

धुर्मुस सुन्तली फाउण्डेशनले निर्माण चितवनको भरतपुरमा भरतपुर महानगरपालिकाले उपलब्ध गराएको जग्गामा रंगशालाको निर्माण कार्य थालिएको थियो ।  डीपीआर तयार भएको २ वर्षभित्र निर्माण सम्पन्न हुने रंगशाला निर्माणको लागि ३ अर्ब लाग्ने बताईएको छ । तर, रंगशालाको डीपीआर बन्दै गरेको अवस्थामा निर्माण कार्य रोकिएको हो ।