विश्वकप क्रिकेट भोलिदेखी, ११ केजीको ट्रफी

एजेन्सी- आईसीसी विश्वकप एकदिवसीय क्रिकेटको महाकुम्भ भोलीदेखी सुरु हुँदै छ ।  इंग्ल्यान्ड र वेल्साम संयुक्त रुपमा आयोजना हुने यस विश्वकपको उद्घाटन खेलमा आयोजक इंग्ल्यान्ड र दक्षिण अफ्रीकाबीच प्रतिस्पर्धा हुने छ । खेल नेपाली समय अनुसार दिउँसा ३:१५ बजे सुरु हुने छ । 

करिब ४८ दिनसम्म चल्ने यस क्रिकेटको महाकुम्भमा कुल ४६ खेल हुनेछन् । २७ वर्ष पछि राउन्ड रोबिन पद्वतीमा खेलाईने भएकाले पनि यो विश्वकप निकैनै रोमाञ्च हुने अनुमान गर्न सकिन्छ । किनकी सहभागी सबै टोलीले एक अर्कासँग प्रतिस्पर्धा गर्ने छ । 

सन् १९९२ पछि पहिलो पटक विश्वकप २०१९ राउन्ड रोबिन पद्वतीमा खेलाईदै छ । जहाँ सहभागी सबै १० टोलीले एक अर्कासँग खेल्ने छन् । एक अर्कासँगको प्रतिस्पर्धापछि आएको नतिजा अनुसार शीर्ष चार टोलीले सेमिफाइनलमा स्थान बनाउने छन् । यसपछि फाइनल खेल्ने टोलीको टुङ्गो लाग्ने छ । 

ट्रफीको तौल ११ केजी

आईसीसी विश्वकप एकदिवसीय क्रिकेट प्रतियोगिताको विजेता टोलीलाई प्रदान गरिने ट्रफीको तौल लगभग ११ केजी रहेको छ । उक्त सुन र चाँदीले बनेको ट्रफीको उचाँई ६० सेन्टिमीटर रहेको छ । 

विश्वकप विजेता टोलीले प्रथम पुरस्कार स्वरुप ४० लाख अमेरिकी डलर प्राप्त गर्ने छ । त्यस्तै उपविजेताले २० लाख अमेरिकी डलर प्राप्त गर्ने छ । सेमिफाइनलमा पराजित हुने टोलीले ८ लाख अमेरिकी डलर प्राप्त गर्दा जम्मा १६ लाख अमेरिकी डलर प्राप्त गर्ने छ । प्रत्यक लिगको विजेताले ४० हजार अमेरिकी डलर प्राप्त गर्ने छ भने समूह चरण पार नगर्ने टोलीले १ लाख अमेरिकी डलर प्राप्त गर्ने छ ।