धोनी र राहुलको शतकमा बंगलादेशलाई विशाल लक्ष्य

एजेन्सी- पूर्व कप्तान महेन्द्र सिंह धोनी र केएल राहुलको शतकको मद्दतले भारतले बंगलादेशलाई ३ सय ६० रनको लक्ष्य सुम्पेको छ । टस हारेर पहिले ब्याटिङको निम्तो पाएको भारले ५० ओभरमा ७ विकेट गुमाउँदै ३ सय ६० रन जोडेको लक्ष्य सुम्पेको हो । 

खराव सुरुवात गरेको भारतका लागि धोनी र राहुलले शतकीय पारी खेले । धोनीले ७७ बलमा ८ चौका र ७ छक्का प्रहार गर्दै ११३ रनको शतकीय पारी खेलेका हुन् । त्यस्तै राहुलले १०८ रनको शतकीय पारी खेले । उनले ९९ बलामा १२ चौका र ४ छक्का प्रहार गर्दै १०८ रनको योगदान दिए । 

कप्तान विरानट कोहली अर्धशतक बनाउनबाट मात्र तीन रनले चुके । उनले ४६ बलमा ५ चौका प्रहार गर्दै ४७ रन जोडे । रोहित शर्मा १९ तथा हार्दीक पाण्डेयले २१, रबिन्द्र जडेजाले ११ रनको योगदान दिए । 

बंगलादेशका लागि रुबेल हुसेन र साकिब अल हसनले समान दुई दुई विकेट लिए । त्यस्तै मुस्ताफिजुर रहमन, मोहम्मद सैफुदिन र सबिर रहमनले समान एक एक विकेट लिए ।