पारस र सुर्य चम्कदा प्रदेश तीनको दोस्रो जित

काठमाडौं- प्रदेश तीनले प्रधानमन्त्री कप एकदिवसीय क्रिकेटमा प्रतियोगितामा लगातार दोस्रो जित निकालेको छ । मंगलबार कीर्तिपुरस्थित टियु क्रिकेट मैदानमा भएको खेलमा गण्डकी प्रदेशलाई ७ विकेटले पराजित गर्दै प्रदेश ३ ले दोस्रो जित निकालेको हो ।

गण्डकी प्रदेशले दिएको १०९ रनको सामान्य लक्ष्य पछ्याएको प्रदेश ३ ले २२.२ ओभरमा मात्र ३ विकेट गुमाएर भेट्टायो । प्रदेश ३ का लागि आदील खानले अविजित ३८ रन जोडे । उनले ५२३ बलमा ५ चौका पै्रहार गर्दै ३८ रनको योगदान दिएका हुन् । 

त्यस्तै इशान पाण्डेले ४० बलमा ४ चौका प्रहार गर्दै अविजित २६ रन जोडे । रित गौतमले २० र रविन जोशीले ११ रन जोडे । गण्डकी प्रदेशका लागि किशोर महतोले २ तथा विपिन खत्रीले १ विकेट लिए । 

यसअघि टस जितेर पहिले ब्याटिङ गरेको गण्डकीले ३०.१ ओभरमा सबै विकेट गुमाउँदै १०८ रन बनाएको थियो । गण्डकीका लागि सुमा घिमिरेले सर्वाधिक ३४ रन जोडे । उनले ३२ बलमा १ चौका र ३ छक्का प्रहार गर्दै ३४ रन जनेडेका थिए । 

त्यस्तै आकाश थापाले ४६ बलमा २ चौका प्रहार गर्दै २८ रन जोडे । राहुल शर्माले १२ रन जोड्दा अन्य ब्याट्सम्यानले भने दोहोर अंकमा रन छुन सकेनन् । ग०डकी प्रदेशलाई सस्तैमा समेट्न प्रदेश ३ का लागि कप्तान पारस खड्का र सुर्य तामाङले ४-४ विकेट लिए भने नन्दन कुमार यादबले २ विकेट लिए । 

जितसंगै समूह ’ए’ को प्रदेश ३ ले ३ खेलबाट ४ अंक जोडेको छ । र, प्रदेश ३ शीर्ष स्थानमा उक्लिएको छ । ४ अंक जोडेको एपीएफ यस समूहको दोस्रो स्थानमा छ । अंकविहीन गण्डकी चौंथो स्थानमा छ ।