भारीको ह्याट्रिकमा आर्मीको लगातार दोस्रो जित

एजेन्सी- सुशन भारीको ह्याट्रिको मद्दतले तेस्रो संस्करणको प्रधानमन्त्रि कप एकदिवसीय क्रिकेटमा विभागीय टोली त्रिभुवन आर्मीले लगातार दोस्रो जित निकालेको छ । आइतबार टियु मैदानमा भएको खेलमा आर्मीले प्रदेश १ लाई ११३ रनको फराकीलो अन्तरले पराजित गर्दा भारीले ह्याट्रिक विकेट लिएका थिए । 

आर्मीले दिएको २ सय ४ को मध्यम लक्ष्य पछ्याएको प्रदेश १ ले २६.५ ओभरमा सबै विकेट गुमाउँदै मात्र ९१ रन बनाउन सक्यो । प्रदेश १ का लागि राजन मगरले सर्वाधिक २६ रन जोडे । उनले २३ बलमा ३ चौका र १ छक्का प्रहार गर्दै २६ रन जोडेका हुन् । 

त्यस्तै मुकुन्द यादवले १८ र रभी रोयले १० रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । प्रदेश १ लाई सस्तैमा समेट्न आर्मीका भारीले ह्याट्रिक लिए भने तिब्र गतिका बलर करन केसीले दुई विकेट लिए । त्यस्तै जितेन्द्र मुखिया, हरी चौहान र शाहव आलमले एक लएक विकेट लिए । 

यसअघि टस जितेर पहिले ब्याछिटङ गर्ने निर्णय गरेका आर्मीमा लागि राजेश पुलामी मगरले अर्धशतकीय पारी खेलेका थिए । उनले ९३ बलको सामना गर्दै ४ चौकाको मद्दतमा ५६ रन जोड्दै आर्मीको स्कोरलाई माथि उकासेका थिए । 

त्यस्तै हरि चौहानले ४१ रनको योगदान दिए । उनले ५१ बलमा ४ चौका र १ छक्का प्रहार गर्दै ४१ रन जोडेका थिए । कप्तान विनोद भण्डारीले ३४ बलमा ४ चौका र १ छक्का प्रहार गर्दै ३० रन जोडे । करन केसीले २६ र कुसल मल्लले १६ रन जोडेका थिए । 

प्रदेश १ का लागि दिपेस कँडेलले तीन विकेट लिए । त्यस्तै मुकुन्द यादव, सिद्वान्त लोहनी र फिर्दोस अन्सािरीले समान दुई दुई विकेट लिँदा पुस्प थापाले एक पिवकेट लिएका थिए ।