बार्यन म्युनिख जर्मन कप च्याम्पियन

एजेन्सी- बार्यन म्युनिख लिपजिगलाई पराजित गर्दै जर्मन कपको च्याम्पियन बेनेको छ । शनिबार राति भएको खेलमा लिपजिगलाई ३-० गोल अन्तरले पराजित गर्दै बार्यनले जर्मन कपको च्याम्यिन बनेको हो । 

बार्यनलाई उपाधि दिलाउन रोबर्ट लिबान्डोस्कीले दुई तथा किंग्सले कोम्यानले एक गोल गरे । खेलको २९ औं मिनेटमा रोबर्ट लिबान्डोस्कीको गोल गर्दै पाहुना टोलीलाई सुरुवाती अग्रता दिलाए । पहिलो हाफमा १-० को अग्रता लिएको बार्यनले दोस्रो हाफमा थप दुई गोल गर्यो ।

७८ औं मिनेटमा किंग्सले कोम्यानले गोल गर्दै बार्यनको अग्रतालाई दोब्बर पारे । त्यस्तै ८५ औं मिनेटमा लेवान्डोस्कीले ब्यक्तिगत दोस्रो गोल गर्दै पाहुना टोलीलाई ३-० ले जित दिलाउँदै उपाधि जिताए । लगातार सातौ पटक लिग च्याम्पियन बनेको बार्यनले १९ औ पटक जर्मन कपको उपाधि उचालेको हो ।