जडेजाको अर्धशतकमा न्युजल्यान्डलाई मध्यम लक्ष्य

एजेन्सी- भारतीय क्रिकेट टोलीका अलराउण्डर रबिन्द्र जडेजाको अर्धशतकको मद्दतले विश्वकप वार्मअप खेलमा भारतले न्युजल्यान्डलाई १ सय ८० रनको मध्यम लक्ष्य सुम्पेको छ । टस जितेर पहिले ब्याटिङ गर्ने निर्णय गरेको भारतले ३९.२ ओभरमा सबै विकेट गुमाउँदै १ सय ७९ रन जोडेको हो ।
 
भारतले १९.४ ओभरमा ६ विकेट गुमाएर मात्र ८१ रन जोडेको अवस्थानमा मैदान प्रवेश गरेका जडेजाले भारतको पारी उकास्न ५४ रनको अर्धशतकीय पारी खेले । उनले ५० बलमा ६ चौका र २ छक्का प्रहार गर्दै ५४ रनको योगदान दिएका हुन् । 

त्यस्तै हार्दिक पाण्डेयले ३६ बलमा ६ चौका प्रहार गर्दै ३० रन को योगदान दिए । कुलदीप यादवले १९, कप्तान विराट कोहलीले १८ र महिन्द्र सिंह धोनीले १७ रन जोड्न बाहेक अन्य ब्याट्सम्यानले दोहोरो अंकमा रन छुन सकेनन् । 

भारतलाई सस्तैमा समेट्न न्युजल्यान्डका लागि ट्रेन्ट बोल्टले चरा विकेट लिए । त्यस्तै जेम्स निसामले समान तीन तथा टिम साउथी, लुकी फेर्गुसन र कोलिन डे ग्रान्डोमीले एक एक विकेट लिए ।