कर्जन्हामा बस र ट्रक ठोक्कियो, २ जनाको मृत्यु

सिराहा- पूर्व-पश्चिम राजमार्ग अन्तर्गत सिराहाको कर्जन्हा नगरपालिका १० प्रयागपुरमा बस र ट्रक ठोक्किँदा २ जनाको मृत्यु भएको छ ।

झापाबाट काठमाण्डौं जादैँ गरेको ना ८ ख ९८२ नम्बरको यात्रुबाहक बस विपरित दिशाबाट आइरहेको ना ३ ख ४२६४ नम्बरको ट्रकसँग ठोक्किएर दुर्घटना हुँदा बसका चालक र यात्रुको मृत्यु भएको हो । 

प्रहरीका अनुसार दुर्घटनामा परि ज्यान गुमाउनेमा बस चालक भोजपुर जिल्ला निवासी ४० वर्षिय हरिरण पहेली र बसका यात्रु झापा जिल्ला जलथल नगरपालिका–७ का ४२ वर्षिय मदन कुमार उप्रेती रहेका छन् । 

बसले गाईको बाँछोलाई बचाउन खोज्दा विपरित दिशाबाट आइरहेको ट्रकसँग ठोक्किएर दुर्घटना भएको इलाका प्रहरी कार्यालय मिर्चैयाका डिएसपी डीएसपी सुकदेव खनालले नेपाल समयलाई जानकारी दिए । दुर्घटनामा परी २३ जना घाइते भएका छन् । घाइते मध्ये आधा दर्जनको अवस्था गम्भीर रहेको प्रहरीले जनाएको छ ।