काठमाडौं- आज जेठ ८ गते बुधबार कहाँ के-के भयो? अब थाहा पाउनुहोस्, नेपाल समय दिनभरी।
इहटरीका मेयर द्वारिकलाल चौधरीले कर्मचारीलाई हातपात गरेपछि कर्मचारीहरू आन्दोलित भएका छन्। आज एकैदिन सबओभरसियर राम खड्कालाई कार्यकक्षबाट जबरजस्ती निकालेको तथा नासु मनोज दाहाललाई कार्यकक्षमै पुगेर हातपात गरेको भन्दै कर्मचारीहरू आन्दोलित बनेका हुन्।
डा. बाबुराम भट्टराई अध्यक्ष रहेको समाजवादी पार्टी नेपाल दल अहिले सरकारमा संलग्न छ। सत्तारुढ सांसद बनेका बाबुराम भने प्रतिपक्ष बेन्चमा बसिरहेका छन्।
समायोजन अनुसारको तलबभत्ता नपाएको भन्दै सुदूरपश्चिमाञ्चल विश्वविद्यालयका प्राध्यापक आन्दोलनमा उत्रिएका छन्। विश्वविद्यालयअन्र्तगतका प्राध्यापक संघ एकाई समितिले सम्बन्धित क्याम्पस प्रमुखको कार्यकक्षमा तालाबन्दी गर्दै आन्दोलनमा उत्रिएका हुन्।
तेस्रो एसियाली युथ एथलेटिक्समा स्वर्ण पदक जित्न सफल अजित यादव प्रदेश सरकारबाट सम्मानित भएका छन्। गत चैतमा हङकङमा सम्पन्न एसियाली युथ एथलेटिक्समा स्वर्ण जित्न सफल भएका सप्तरी–१२ का अजितलाई बुधबार प्रदेश २ सरकारले सम्मानित गरेको हो।
गीतानगरका उपेन्द्र पण्डितको मोबाइलमा धादिङका प्रहरी हबल्दारले टेलिफोन गरेर उनको नामको मोटरसाइकल जुधेर मानिसको मृत्यु भएको खबर दिए। पण्डितलाई यो कुरा सुन्ने बित्तिकै छाँगाबाट खसे जस्तो अनुभव भयो।
धनगढीबाट कक्षा ११ को परिक्षा दिने ६ जना नक्कली परिक्षार्थीलाई पक्राउ गरिएको छ। धनगढीको शारदा माविमा ११ को परिक्षा दिईरहेका ६ जनालाई पक्राउ गरिएको जिल्ला प्रहरी कार्यालय कैलालीका प्रहरी नायव उपरिक्षक दक्षकुमार बस्नेतले जानकारी दिए।
प्रधानमन्त्रि कप एकदिवसीय क्रिकेटका लागि प्रदेश नं.३ ले नेपाली राष्ट्रिय टोलीका कप्तान पारस खड्काको कप्तानीमा १४ सदस्यीय टोलीको घोषणा गरेको छ । जेठ १० गतदेखी २५ गतेसम्म संचालन हुने प्रतियोगिताका लागि प्रदेश ३ ले आफ्नो १४ सदस्य टोली घोषणा गरेको हो ।
राजनीतिक दलको स्थानीय नेतृत्व र प्रहरीको संरक्षणमा मौलाएको लागूऔषध गाँजा र चरेश कारोबारमा अंकुश लगाउन थालेको छ। प्रहरीले छापा मार्न थालेपछि चार दिनयता पटेर्वासुगौली गाउँपालिकाको एउटै वडाबाट दैनिक जसो ठूलो परिमाणमा गाँजा र चरेश बरामद भइरहेको छ।
सुदूरपश्चिम प्रदेशका मुख्यमन्त्री त्रिलोचन भट्टलाई गृहनगरमै कालो झन्डा देखाउने प्रयास भएको छ।
पाँचथरमा ९ जनाको सामूहिक हत्या भएको विषयमा गृहमन्त्री रामबहादुर थापालले संघीय संसदको राष्ट्रिय सभालाई जानकारी गराएका छन्। संघीय संसदको दुवै सदनमा हिजो र आज सांसदहरुले उक्त घटनाबारे सरकारसँग जानकारी माग गरेको थिए । गृहमन्त्री थापाले अपराधी छिटै पक्राउ पर्ने दाबी गरे।
नेपाल प्रहरीमा तीसवर्षे सेवा अवधि हटाउने कि कायम राख्ने भन्ने लामो विवाद नाटकीय रुपमा टुंगो लागेको छ। तीसवर्षे सेवा हटाउने तयारीसहित प्रहरी ऐनको मस्यौदा तयार भए पनि त्यसलाई रातारात फेरिएको छ र तीसवर्षे सेवा अवधिको प्रावधानलाई तीस वर्षपछि लागू हुने हास्यासपद व्यवस्था राखिएको छ।
महाराजगन्ज प्रहरीको चरम लापरबाहीले हिरासतबाटै फरार भएका बालिका बलात्कारका आरोपी पक्राउ परेका छन्। १५ वर्षीया किशोरीलाई बलात्कार आरोपमा पक्राउ परेका १६ वर्षीय किशोर पदम श्रेष्ठ मेडिकल जाँच गर्न जाँदा वीर अस्पतालबाटै फरार भएका थिए।
भारतको अरुणाञ्चल प्रदेशको तिराप जिल्लामा भएको आतंककारी आक्रमणमा परी एक सांसदसहित ११ जनाको मृत्यु भएको छ। नेशनल पिपुल्स पार्टी (एनपीपी) का सांसद (विधानसभा सदस्य) तिरोंगा अबोसहित ११ जनाको गोली हानी हत्या गरिएको हो।
अहिलेको मौसम धेरै परिवर्तन भइरहेको छ। मौसमसँगै गर्मी पनि ज्यादै बढिरहेको छ। गर्मीबाट बच्न मानिसहरू अनेक उपाय अपनाइरहेका छन्। यस्तैमा भारतकी आहमदबादकी एक महिलाले एकदमै अनौठो तरिका पत्ता लगाएकी छन। उनले लाखौं पर्ने कारलाई चिसो राख्न भनेर गाईको गोबरले लिपेकी छन्।
महानगरीय प्रहरी परिसर काठमाडौंले १५ केजी चरेशसहित ३ जनालाई पक्राउ गरेको छ। धादिङबाट काठमाडौं ल्याउँदै गरेको अवस्थामा विशेष सुराकीका आधारमा उनीहरुलाई पक्राउ गरिएको परिसरका प्रवक्ता डिएसपी हविन्द्र बोगटीले बताए।
प्रमुख प्रतिपक्षी दल नेपाली कांग्रेसले सरकारको आलोचना गर्दै प्रतिकारको चेतावनी दिएको छ। सरकारले सबै शक्ति नियन्त्रण गर्न लागेको भन्दै कांग्रेसले अब चुप नबस्ने चेतावनी दिएको हो।
प्रतिपक्षी दल राजपा नेपालले संघीय संसदमा विरोधको क्रम जारी राखेको छ। विगत तीन महिनादेखि संसदमा मधेस–थरुहट आन्दोलनको प्रतिवेदन सार्वजनिक गर्न माग गर्दै राजपाले संसदमा विरोध जनाउँदै आएको छ।
नेपाली कांग्रेसका बरिष्ठ नेता रामचन्द्र पौडेलले जनताले वर्तमान सरकारको विकल्प खोज्न थालिसकेको बताएका छन्। नेपाल प्रेस युनियन कैलालीले बुधबार धनगढीमा आयोजना गरेको पत्रकार सम्मेलनमा नेता पौडेलले सरकारले जनअपेक्षा अनुसार काम गर्न नसकेको आरोप लगाए।
खानेपानी बिक्री वितरणमा सरकारले कडाई गर्ने भएको छ। बजारमा देखिएका गुणस्तरहीन खानेपानी उत्पादकहरुलाई कारबाही गर्ने गरी सरकारले विधेयक ल्याएको छ।
महोत्तरी जिल्लाको भङ्गहा नगरपालिका–७ मेघनाथ गोरहन्ना गाउँमा विवाह हुनुभन्दा आठ दिन पहिले मङ्गलबार दुलहाले आत्महत्या गरेका छन्।
पाँचथरको आरुबोटेमा हत्या भएका ९ जनाको शव पोष्टमार्टमको लागि धरान लगिएको छ। हत्या भएका दुई वटै परिवारका ९ जनाको शव मंगलबार राति धरानमा रहेको विपि कोइराला स्वास्थ्य विज्ञान प्रतिष्ठानमा लगिएको हो।
बर्दियामा मोटरसाइकल दुर्घटना हुँदा प्रहरी जवानको मृत्यु भएको छ। गुलरिया नगरपालिका–१ खैरापुर बस्ने प्रहरी जवान अवधेशकुमार यादवले चलाइरहेको भे८प ७८९ नंको मोटरसाइकल गुलरिया नगरपालिका–३ स्थित निमकोठियामा रोकिराखेको ट्रलीमा ठोक्किएर दुर्घटना हुँदा उनको मृत्यु भएको हो।
साढे चार अर्ब राजस्व नतिर्ने विवादित व्यापारी अजेयराज सुमार्गीले कर अड्डालाई उल्टै धम्काएका छन्। नेपाल स्याटलाइट टेलिकमका संचालक रहेका सुमार्गीले लामो विज्ञप्ती जारी गरेर कर प्रशासनलाई कानुनको पालना गर्न चेतावनी दिएका छन्।
सगरमाथाको उचाइ नाप्नका लागि खटाइएको नापी विभागको टोली सगरमाथाको चुचुरोमा पुगेको छ। टोली बुधबार बिहान सवा ३ बजे चुचुरोमा पुगेको टोलीलाई आरोहण व्यवस्थापनको जिम्मा लिएको पिक प्रमोशन प्रालिका निर्देशक आङबाबु शेर्पाले बताए। टोली बिहीबारसम्म आधारशिविर आइपुग्ने पिक प्रमोशनले जनाएको छ।
प्रहरीसँगको मुठभेडमा गोली लागेका नेत्र विक्रम चन्द ‘विप्लव’ नेतृत्वको नेकपाका कार्यकर्ता तीर्थराज घिमिरेको मृत्यु भएको छ। गस्तीमा रहेको सुरक्षाकर्मीमाथि गोली प्रहार गरेपछि जवाफी कारबाही गर्दा भोजपुरको षडानन्द नगरपालिका –२ कुदाककाउलेका ३२ वर्षीय तीर्थराज घिमिरे घाइते भएका थिए।
काठमाडौंको तापक्रम मंगलबार यो वर्षकै उच्च मापन गरिएको छ। मंगलबार काठमाडौंको अधिकतम तापक्रम ३२ दशमलव ६ डिग्री सेल्सियस मापन गरिएको जल तथा मौसम विज्ञान विभाग अन्तर्गत मौसम पूर्वानुमान महाशाखाले जनाएको छ।
नेत्रविक्रम चन्दको नेतृत्वको विप्लव समूहका भेरी ब्यूरो सदस्य हरिचन्द्र जैशी पक्राउ परेका छन्। मङ्गलबार बेलुका पक्राउ परेका जैशीलाई सदरमुकाम ल्याइएको छ।
काठमाडौंबाट प्रकाशित बुधबारका अधिकांश राष्ट्रिय दैनिकले सोमबार राति पाँचथरमा दुई परिवारका नौं जनाको भएको विभत्स हत्यालाई आफ्नो प्राथमिकतामा पारेका छन्।
प्रकाशित: Dec 31, 2017| 18:23 आइतबार, पुस १६, २०७४
