आफ्नै रेकर्ड तोड्दै कीर्तिमान बनाउँदै कामीरिता

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं - आरोही कामीरिता शेर्पाले सगरमाथाको २४ औँ पटक सफल आरोहण गरी नयाँ विश्व कीर्तिमान कायम गरेका छन्। शेर्पाले यसअघिको आफ्नै २३ औं पटकको सगरमाथा आरोहणको कीर्तिमान तोड्दै नयाँ कीर्तिमान बनाएका हुन्। कामीरितालो मंगलबार बिहान ६ बजेर ३८ मिनेटमा सगरमाथाको २४ औं पटक आरोहण गरेका सगरमाथाको आधार शिविरमा रहेका सम्पर्क अधिकृत ज्ञानेन्द्र श्रेष्ठले जानकारी दिए।

यसअघि आरोही शेर्पाले जेठ १ गते सगरमाथाको २३ औं पटक आरोहण गरेका थिए। उनले सात दिनको अवधिमै पुनः सगरमाथाको आरोहण गर्न सफल भएका हुन्। यस वर्षको वसन्त ऋतुको सगरमाथा आरोहण गत वैशाख ३१ गते सुरु भएको थियो। सोलुखुम्बुको थामेगाउँमा जन्मेका ४९ वर्षीय कामीरिताले आगामी वर्ष २५ औँ पटक सगरमाथा आरोहण गरेर सन्यास लिने यसअघि नै बताइसकेका छन्।

प्रकाशित: Dec 31, 2017| 18:23 आइतबार, पुस १६, २०७४