प्रहरीले गोली हानेर गुन्डा समात्यो

काठमाडौं- प्रहरीले गोली हानेर एक जना टोले गुन्डालाई पक्राउ गरेको छ । काठमाडौँको टोखामा गोली हानेर प्रहरीले टोले गुन्डा विष्णु तामाङ ‘काले’ लाई नियन्त्रणमा लिएको हो ।

महानगरीय अपराध महाशाखाको टोलीले सोमबार बिहान सवा ६ बजे कालेलाई हानेर पक्राउ गरेको महाशाखाका प्रमुख एसएसपी सहकुलबहादुर थापाले जानकारी दिए। उनले भने- 'हामीले लामो समयदेखि खोजी राखेका थियौ, टोखामा भेटियो र पक्राउ गरियो ।'
 
उनका अनुसार प्रहरीले पक्राउ गर्न खोज्दा विष्णु बन्दुक देखाए पछि प्रहरीले उनको घोडामा गोली हानेको हो । घाइते विष्णुको वीर अस्पतालमा उपचार भइरहेको छ। पक्राउ परेका विष्णु खुंखार र पेशेवर डाँका भएको समेत उनले बताए ।