तत्काल नकाटिने भयो इन्टरनेट सेवा

काठमाडौँ- नेपाल दूरसञ्चार प्राधिकरणले तत्काल इन्टरनेट सेवा प्रदायकको तार नकाट्ने भएको छ । प्राधिकरण र इन्टरनेट सेवा प्रदायकबीच मंगलबार साँझ सहमति जुटेसँगै तत्काल तार इन्टरनेटको तार नकाटिने भएको हो ।
 
इन्टरनेट सेवा प्रदायकहरूको संस्था आइस्पान नेपालका अध्यक्ष भोजराज भट्टले महसुल नतिर्ने सेवा प्रदायकको तार नकाट्न प्राधिकरण सहमत भएको जानकारी दिए । प्राधिकरणले पोल र अप्टिकल फाइबरको भाडा वृद्धि गरेपछि विरोधस्वरूप इन्टरनेट सेवा प्रदायकले महसुल बुझाएका थिएनन् । 

प्राधिकरणले गत साता महसुल नतिर्ने इन्टरनेट सेवा प्रदायकको तत्काल तार काट्ने निर्णय गरेको थियो । तर, मंगलबार साझ भएको वार्तामा सहमति जुटेसँगै तत्काल इन्टरनेटको तार नकाटिने भएको हो ।
 
इन्टरनेट सेवा प्रदायकहरूको संस्था आइस्पान नेपालका अध्यक्ष भोजराज भट्टले महसुल नतिर्ने सेवा प्रदायकको तार नकाट्न प्राधिकरण सहमत भएको जानकारी दिए ।

प्राधिकरणले गत वर्ष सबैखाले अप्टिकल फाइबरको प्रतिकिलोमिटर वार्षिक १ लाख २८ हजार लिँदै आएकामा भाडा बढाएर २४ कोरको फाइबरको वार्षिक ६ हजार प्रतिकिलोमिटर, ४८ कोरको फाइबरको वार्षिक १ लाख ७२ हजार र ९६ कोरको फाइबरको प्रतिकिलोमिटर वार्षिक ३ लाख ४५ हजार बनाएको छ ।

योबाहेक सेवा प्रदायकले आफ्नो अप्टिकल फाइबरको २५ प्रतिशत कोर प्राधिकरणलाई निःशुल्क दिनुपर्ने प्रावधान राखेको छ । यो भाडा पहिलोको भन्दा तीन गुणा बढी भएको सेवा प्रदायकको दाबी छ ।