टिप्परलाई ट्रकले ठक्कर दिँदा २ जनाको मृत्यु

काठमाडौं - ट्रकले र टिप्परलाई ठक्कर दिँदा दुई जनाको मृत्यु भएको छ। महोत्तरीको बर्दिबासमा रोकीराखेको टिप्परलाई पछाडिबाट आएको ट्रकले ठक्कर दिएको हो। टिप्पर बिग्रेर मर्मत गर्दै गरेको अवस्थामा ट्रकले पछाडिबाट ठक्कर दिएको हो।   
 
बा ५ ख ४२२२ नम्बरको टिप्परलाई ना ६ ख ३०२० नम्बरको ट्रकले ठक्कर दिँदा टिप्परका चालक र सहचालक दुबैको मृत्यु भएको जिल्ला प्रहरी कार्यालयले जानकारी दिएको छ। मृत्यु हुनेमा सिन्धुली तीनपाटन नगरपालिका २ का टिप्पर चालक दिनेश मानन्धर र  सहचालक नवीन मोक्तान रहेका प्रहरीले जानकारी दिएको छ। उनीहरुको घटनास्थलमै ज्यान गएको हो। दुर्घटनामा परि टिप्परमै सवार रमेश  मानन्धर र ट्रकका चालक नवराज राउत घाइते भएका छन्।