नेयमारलाई पुन: तीन खेल प्रतिबन्ध

एजेन्सी- ब्राजिल तथा लिग वाज क्लब पेरिस सेन्ट जर्मेन (पिएसजी)का स्टार स्ट्राइकर नेयमारलाई पुन: तीन खेलको प्रतिबन्ध लागेको छ । कोपा डे फ्रान्सको फाईनल खेलपछि मेडल लिने क्रममा एक दर्शकमाथी हातपात गरेको भन्दै तीन खेलको प्रतिबन्ध लगाएको हो ।

यसअघि च्याम्पियन्स लिग अन्तर्गत शिर्ष १६ को दोश्रो लेगमा अफिसिएलको निर्णय प्रती असन्तुष्टि जनाएको भन्दै युरोपेली फुटबल महासंघले च्याम्पियन्स लिगको तीन खेलमा प्रतिबन्ध लगाएको थियो । पहिलो लेगमा २-० को अग्रता लिएको पिएसजी दोस्रो लेगमा ३-१ ले पराजित हुदै प्रतियोगिताबाट बाहिरिएको थियो । लगत्तै उनले अफिसियलको निर्णयलाई लिएर ईन्स्टाग्राममा विरोध जनाएका थिए ।

कोपा डे फ्रान्सको फाइनलमा रेनेससँग पिएसजी निर्धारित तथा थप गरिएको समयमा २-२ को बराबरी भएपछी खेलको निर्णय पेनाल्टी सुटआउटमा पुगेको थियो । अन्तिम पेनाल्टी सुटआउटमा पिएसजी पराजित हुँदै उपविजेतामा सिमित भएको थियो । उक्त खेलमा नै रातो कार्ड खाएका युवा स्टार केलिएन एम्बाप्पेलाई पनि तीन खेलको प्रतिबन्ध लगाइएको छ ।

पछिल्लो समय कडा खेलाडी नियमनमा उत्रीएको फ्रान्स फुटबल संघले विश्व फुटबलले नेयमारलाई प्रतिबन्ध लगाएसँगै अब घरेलु प्रतियोगिताका तीन खेल गुमाउने छन् । लामो समय चोटका कारण मैदान बाहिर रहेका नेयमार स्टार्सवर्गविरुद्वको खेल मार्फत लिगमा फर्किएका थिए ।