‘काउटिन्होले बार्सिलोना छोड्ने’

एजेन्सी- पछिल्लो समय च्यमम्पियन्स लिगबाट स्पेनिस ला लिगा महारथी क्लब बार्सिलोना बाहिरिएसँगै क्लबमा हलचर मच्चिएको साचार अन्तर्राष्ट्रिय सञ्चार मध्यममा प्रकाशित भएका छन् । क्लबको स्रोतका अनुसार धेरै जसोले प्रशिक्षक अर्नेस्टो भलभर्डे, ब्राजिलियन मिडफिल्डर फिलिप्पे काउटिन्हो र स्ट्राइकर सुआरेजमाथी प्रश्न उठाएका छन् ।

खासगरी धेरैले काउटिन्होलाई पराजयको मुख्य कारण बनाएका छन् । ‘काउटिन्हो बार्सिलोनाका खेलाडी हैनन् । त्यो कुरा प्रस्ट छ ।’ बार्सिलोनाको स्रोतले सोनी इएसपिएनसँग भने, ‘उनले क्लबका लागि केही गर्न सकेका छैनन् । उनी यस सिजनको अन्त्यमा बार्सिलोना छोड्ने छन् ।’ काउटिन्हो प्रतिको निर्णयले प्रशिक्षक भलभर्डेको भाग्यको फैसला हुने समेत स्रोतले बताएको छ । स्रोतका अनुसार जारी सिजन काउटिन्होको प्रदर्शनबाट सबै सन्तुष्ट नरहेको बताइएको छ ।

उनी गत सिजन लिभरपुलबाट कीर्तिमानी मुल्य १६० मिलियन युरोमा बार्सिलोना भित्रिएका थिए । उनले च्याम्पियन्स लिग अन्तर्गत सेमिफाइनलको दुबै लिगमा खराव प्रदर्शन गरेका छन् । जारी सिजन राम्रो सुरुवात गरेका काउटिन्होले चोट पछि आफुलाई खेलमा कमब्यक गर्न सकेनन् । उनी अक्टोबरमा भएको इन्जुरी पछि सुरुवाती ११ मा परेपनि प्रदर्शनमा आफुलाई परिवर्तन गर्न सकेनन् ।

‘हामी हेर्छौ की भलभर्डे यो मुस्किल स्थितीलाई कसरी समाधान गर्छन् ।’ कलब स्रोतले भने, ‘समर्थक वास्तवमा निरासा छन् र जे भएको छ त्यो निरासा जनक छ । आइतबार राती गेटाफेसँग एक लिग खेल छ । त्यो हेर्न आँतुर छौ की समर्थकको प्रतिक्रिया के हुने छ ।’