युरोपा लिगको फाइनलमा चेल्सी र आर्सनल भिड्ने

एजेन्सी-इंग्लिस क्लब चेल्सी इन्ट्राक्ट फ्रान्कफर्टलाई पराजित गर्दै युरोपा लिगको फाइनलमा प्रवेश गरेको छ । बिहीबार राती भएको खेलमा इन्ट्राक्ट फ्रान्कफर्टलाई पेनाल्टी सुटआउटमा ४-३ ले हराउँदै चेल्सी उपाधि नजिक पुगेको हो । 

अब चेल्सीले उपाधिका लागि अर्को इंग्लिस क्लब आर्सनलसँग प्रतिस्पर्धा गर्ने छ । पहिलो लेगमा इन्ट्राक्ट फ्रान्कफर्टको घरेलु मैदानमा भएको खेलमा चेल्सीले १-१ को बराबरी खेलेको थियो । त्यस्तै चेल्सीको घरेलु मैदानमा भएको दोस्रो लेगमा फ्रान्कफर्टसँग १-१ गोलको बराबरी खेलेले पछि समग्रहमा २-२ को बराबरी भएको थियो । 

आउँदो सिजनका लागि च्याम्पियन्स लिगका लागि स्थान बनाइसकेको चेल्सीले यस अघि निर्धाति सयमको खेलमा सुरुआती अग्रता लिए पनि जोगाउन नसक्दा जित आत्मसात गर्न पेनाल्टी सुटआट सम्म पुग्नु परेको हो । 

चेल्सीका लागि रुबेन लोफ्टुस चेकले २८ औं मिनेटमा गोल गर्दै चेल्सीलाई सुरुआती अग्रता दिलाएका थिए । ४९ औं मिनेटमा लुका जोभिकले गोल गर्दै भ्रमणकारी टोली इन्ट्राक्ट फ्रान्कफर्टलाई खेलमा फर्काए । त्यसपछि फाइनल प्रवेशका लागि खेलको निर्णय पेनाल्टी सुटआउटमा पुगेको थियो 

पेनाल्टी सुटको प्रतिस्पर्धामा चेल्सी भाग्यमानी बन्दै आर्सनसँगको भेट पक्का गरेको हो । निर्णायक पेनाल्टीमा इडेन हजार्डले गोल गर्दै चेल्सीलाई उपाधि नजिक पुर्याउन सफल भएका हुन् । युरोपा लिगको फाइनल खेल मे २९ तारिखमा हुनेछ ।