सेथुको जितका सावित्रा र अनिताको गोल

काठमाडौं- नेपाली राष्ट्रिय महिला टिमकी स्ट्राइकर सावित्रा भण्डारी र मिडफिल्डर अनिता बस्नेतको गोलको मद्दतले सेथु फुटबल क्लबले भारतीय महिला लिग फुटबलमा सहज जित निकालेको छ । बुधबार बिहान भएको खेलमा सेथुले बेङ्गरुलु युनाईटेडमाथी ३-० को सहज जित निकालेको हो । 

सेथुको जितका लागि सावित्रा भण्डारी, सन्धया र अनिता बस्नेतले एक एक गोल गरिन् । खेलको ११ औं मिनेटमा नेपालप् स्ट्राइकर सावित्राले गोल गर्दै सेथुलाई सुवाती अग्रता दिलाईन् । पहिलो हाफ सकिन ४ मिनेट बाँकी रहँदा सन्ध्याले गोल गर्दै सेथुलाई २-० को अग्रता दिलाईन् । 

दोस्रो हाफमा सेथुले थप एक गोल गर्दा बैकल्पिक खेलाडी अनिताले गरेकी थिइन् । दोस्रो हाफमा सावित्राको स्थानमा मैदान छिरेकी अनिताले खेलको ७४ औ मिनेटमा गोल गर्दै टोलीलाई ३-० को सहज जित दिलाईन् । 

आफ्नो डेब्यु खेलमा सावित्राले ह्याट्रिक सहित चार गोल गरेकी थिईन् । उक्त खेलमा उनी वुमन अफ दी म्याच घोषित भएकी थिईन् ।