फुलकन्टयाक्ट कराँते बैशाख २७ देखी

काठमाडौं- राष्ट्रिय पुरुष खुल्ला तथा महिला तौल समूह फुलकन्टयाक्ट कराँते प्रतियोगिताको बैशाख २७ देखी हुने भएको छ । २० औ संस्करण पुरुष खुल्ला तथा १३ औं संस्करणको महिला तौल समूह फुलकन्टयाक्ट कराँते प्रतियोगिताको बैशाख २७ र २८ हुने भएको हो ।

नेपाल क्योकुशिन कराते डो संघले आयोजना संचालन हुने दुई दिने प्रतियोगिता दशरथ रंगशालास्थित मिनि कभर्ड हलमा सञ्चालन हुनेछ । सात प्रदेशबाट प्रतिनिधित्व हुने प्रतियोगितामा पुरुषतर्फ ८५ र महिलातर्फ ३८ खेलाडीले प्रतिस्पर्धा गर्नेछन् ।

पुरुषतर्फ प्रथाम हुने खेलाडीले ३० हजार, दोस्रो हुनेले १५, तेस्रो हुनेले ७ हजार ५ सय र चौथो हुनेले ३ हजार ५ सय रुपैयाँ पुरस्कार पाउने छन् । महिला स्पर्धाको पहिलो हुनेले १० हजार, दोस्रोले ५ हजार, तेस्रोले २५ सय र चौथोले १ हजार प्राप्त गर्नेछ । महिलाले दुई तौल समूह ५५ केजी मुनि र ५५ केजी माथिको विधामा प्रतिस्पर्धा गर्ने छन् ।