‘मेस्सीले एउटै क्लबबाट खेल्दै सन्यास लिनेछन्’

एजेन्सी- बार्सिलोनाका अध्यक्ष जोसेप मारियाले कप्तान लियोनल मेस्सीले आफ्नो फुटबल जिवनमा एउटा मात्र क्लब क्याम्प नाउमा खेल्दै सन्यास लिने विश्वास रहेको बताएका छन् । 

क्लबका अध्यक्ष जोसेपले स्ट्राइकर मेस्सीले आफ्नो ४५ बर्ष उमेर सम्म बार्सिलोनामै रहने बताएका छन् । ‘मेस्सी अहिले ३१ बर्षका भए । उनी बार्सिलोनामा ४५ बर्षको उमेर सम्म खेल्ने छन् । हामीलाई थाहा छ उनी अरु भन्दा ४-५ बर्ष बढी खेल्ने छन् ।’ 

क्लबका अध्यक्ष जोसेपले भने, ‘तपाई उनलाई हेर्दै फुटबलको मज्जा लिनुहोस् । तर, मेस्सीले सन्यास लिएपछि फुटबलमा के हुने छ ? त्यो तपाई आफै अनुमान गर्नु होस् ।’ मेस्सीले युवा अवस्थानमा अर्जेन्टिनाकै नेवेल्स ओल्ड ब्वाइजमा खेल्ने गर्दथे । 

तर, उनको परिवारले १३ बर्षको उमेरमा क्याटालोनिया पठाएका थिए । बार्सिलोना उनको एक मात्र सिनियर क्लब हो जहाँ उनले आफ्नो फुटबल जिवनको सुरुवात गरे । 

‘म सधै पेलेको बरोमा बेल्ने गर्दै छु । पेलेजे एक मात्र क्लब सान्टोसबाट खेलेका थिए । त्यस्तै मेस्सीले पनि सधै बार्सिलोनाका लागि मात्र खेल्ने छन् । उनी एक क्लब खेलाडी हुन् । जब सम्म उनीले फुटबल खेल्न छोड्ने छैनन्  तब सम्म उनले बार्सिलोना छोड्ने छैनन्,’ अध्यक्ष जोसेपले भने ।