कम्पनीको निर्णायक गोलमा सिटी शीर्ष स्थानमा

एजेन्सी- डिफेन्डर भिन्सेन्ट कम्पनीको निर्णायक गोलको मद्दतले म्यानचेष्टर सिटी इंग्लिस प्रिमियर लिगको शीर्ष स्थानमा उक्लीएको छ । सोमबार राती भएको खेलमा लेस्टर सिटीलाई १-० गोल अन्तरले पराजित गर्दै सिटी शीर्ष स्थानमा उक्लिाएको छ । 

सिटीले दोस्रो सथनको लिभरपुल भन्दा १ अंकको अग्रता बनाएकोछ । सिटीको यस जितसँगै प्रिमियर लिग झनै रोमाञ्चक बनेको छ । लिगको उपाधिको टुङगो लाग्न अझै अन्तिम खेल सम्म प्रतिक्षा गर्नु पर्ने देखिन्छ । 

पहिलो हाफ गोल रहित बराबरीमा सकिएको खेलमा सिटीले गोलका लागि लामो समय कुर्नु पर्यो । खेलको ७० औं मिनेटमा कम्पनीले निर्णायक गोल गर्दै सिटीलाई जित मात्र हैन प्रिमियर लिगको उपाधि दौडलाई नै रोमाञ्चक बनाई दिए । 

अब सिटीले आफ्नो अन्तिम खेल रेलिगेशन जोनबाट एक स्थान माथि रहेको ब्रिङ्टोनसग खेल्नेछ । यता दोस्रो स्थानको लिभरपुलले घरेलु मैदानमा उल्भ्ससँग प्रतिस्पर्धा गर्नेछ । शीर्ष स्थानको सिटीको ९५ अंक छ । लिभरपुल ९४ अंक सहित दोस्रो स्थानमा छ ।