नेयमारले पिएसजीलाई हारबाट जोगाए

एजेन्सी- फ्रान्सेली लिग वान च्यम्यिनस क्लब पेरिस सेन्ट जर्मेन (पिएसजी) ले नाइससँग बराबरी खेलेको छ । शनिबार राति भएको खेलमा पिएसजीले नाइससँग १-१ को रबारबी खेलेको हो । 

घरेलु मैदानमा खेलका पछि परेको पिएसजीका लागि नेयमारले गाले गर्दै टोलीलाई हारबाट जोगाएका थिए । पहिलो हाफ गोल रहित बराबरीका सकिएको खेलको दोस्रो हाफमा दुबै टोलीले गोल गरेका थिए । 

खेलको ४६ औं मिनेटमा नाइसका एग्राटियस गनागोले गोल गर्दै पाहुना टोलीलाई सुरुवाती अग्रता दिलाए । तर, खेलको ६० औं मिनेटमा नेयमारले पेनाल्टीमा गोल गर्दै पिएसजीलाई हारबाट जोगाए ।

खेलको अन्तिम समयमा पिएसजीले पुनः अर्को पेनाल्टी अवसर पाएको थियो । उक्त पेनाल्टी अवसरलाई उरुग्वे फरवार्ड इडिनसन काभानीले गोलमा परिणत गर्न नसक्दा पिएसजी बराबरीमा रोकिएको हो । लिगको च्याम्पियन बनेको पिएसजीले ३५ खेलमा ८५ अंक जोडेको छ । त्यस्तै समान खेल खेलेको नाइस ५२ अंक सहित सातौं स्थानमा छ ।