दिल्लीसँग पराजित हुँदै राजस्थान बाहिरियो

एजेन्सी- राजस्थान रोयल्स इन्डियन प्रिमियर लिग (आइपिएल) क्रिकेटको समूह चरणबाट बाहिरिएको छ । शनिबार भएको खेलमा दिल्ली क्यापिटल्ससँग ५ विकेटले पराजति हुँदै आइपिएलको समूह चाणबाट बाहिरिएको हो । 

राजस्थानले दिएको १ सय १६ रनको सामान्य लक्ष्य पछ्याएको दिल्लीले १६.१ ओभरमा मात्र ५ विकेट गुमाउँदै लक्ष्य भेट्टायो । दिल्लीको जितका लागि रिशभ पन्तले अर्धसतकीय पारी खेले । 

उनले ३८ बलमा २ चौका र ५ छक्का प्रहार गर्दै ५३ रनको अर्धसतकीय पारी खेलेका हुन् । त्यस्तै शिखर धवनले १६, कप्तान श्रियस अयरले १५, कालिन इनग्रामले १२ तथा सर्फान रुथफोर्डले ११ रन जोडे । राजस्थानका लागि इस सोधीले तीन विकेट लिए । त्यस्तै श्रियस गोपालले दुई विकेट लिए ।

यसअघि टस जितेर पहिले ब्याटिङ गरेको राजस्थानले निर्धारित २० ओभरमा ९ विकेट गुमाउँदै १ सय १५ रन बनाएको थियो । राजस्थानका लागि युवा खेलाडी रियाल परागले अर्धशतकीय पारी खेले पनि टोलीको जितका लागि प्रयाप्त भएन् । 

उनले ४९ बलको सामना गर्दै ४ चौका र २ छक्काको मखद्दतले ५० रन जोडेका थिए । त्यस्तै लियम लिभिङस्टोनले १४ तथा श्रियस गोपालले १२ रन जोड्न बाहेक अन्य ब्याट्सम्यानले दोहोरा अंकमा रन बटुल्न सकेनन् । 

राजस्थानलाई सस्तैमा समेट्न इशान्त शर्मा र अमित मिश्राले समान ३-३ विकेट लिदाँ ट्रेन्ट बोल्टको दुई विकेट लिएका थिए ।