गोल्डेन बुट : एमबाप्पेको प्रतिबन्धले मेस्सीको भाग्य चम्केला?

एजेन्सी- गोल्डेन बुटको दौडमा रहेका पेरिस सेन्ट जर्मन (पिएसजी)का युवा स्टार खेलाडी केलिएन एमबाप्पेलाई तीन खेल प्रतिबन्ध भएसँगै मेस्सी एक्लो प्रतिद्वोन्द्वी भएका छन् । 

फ्रान्स कपको फाइनल खेलमा रेनेससँगको थप समयको खेलमा रातो कार्ड खाँदै उनी मैदान बाहिरिएका थिए । उनले अब लिग वानका तीन खेल गुमाउने भएका छन् । तर, पिएसजीले भने लिग वानको उपाधि यसअघि नै जिति सकेको छ । पिएसजीले लिग वानका ४ खेल खेल्न बाँकी छ । 

एमबाप्पे प्रतिबन्ध हुँदा बार्सिलोनाका कप्तान लियोनल मेस्सी गोल्डेन बुटको एक्लो दाबेदमर बनेका छन् । मेस्सीले ला लिगका तीन खेल खेल्न बाँकी छ । तर, शनिबार हुने खेलमा मेस्सीलाई च्याम्पियन्स लिगका लागि विश्राम दिने जनाएको छ । 

मेस्सीले जारी सिजनको ला लिगामा ३४ गोल गर्दै शीर्ष गोलकर्ताको पहिलो स्थानमा छन् । जहाँ उनलाई पछ्याई रहेका युवा स्टार केलिएन एमबाप्पेको ३० गोल छ । त्यस्तै स्याम्पडोरियाका फाबिओ क्वागलियाला तेस्रो स्थानमा छन् । उनले २३ गोल गरेका छन् । 

पिएसजीले लिग वानका बाँकी खेल अर्का ब्राजिलियन स्टार खेलाडी नेयमार विना पनि खेल्न सक्नेछ । किनकी फ्रेन्च कपमा उपविजेता बन्दा मेडल ग्रहण गर्ने क्रममा नेयमारले समर्थकलाई मुक्का हानेको आरोप लागेको छ । जसबारे अनुसन्धान भइरहेको अन्तर्राष्ट्रिय संचार माध्यमले जनाएको छ ।