काउटिन्होको समर्थनमा मेस्सी र सुआरेज

एजेन्सी- ब्राजिलियन तथा बार्सिलोनाका स्टार मिडफिल्डर फिलिप्पे काउटिन्होका लागि अर्का स्टार खेलाडी लियोनल मेस्सी र लुइस सुआरेज आवाज उठाएका छन् । च्याम्पियन्स लिग अन्तर्गत सेमिफाइनलको पहिलो लेगमा लिभरपुलविरुद्ध सुरुवाती ११ मा अटाएका काउटिन्होले आफ्नो पूर्व क्लबविरुद्ध प्रभाव जमाउन नसके पछि उनलाई परिवर्तन गरिएको थियो । 

खेलको ६० औं मिनेटमा उनको स्थानमा नेल्सन सेमेडो मैदान प्रवेश गरेका थिए । उक्त समय काउटिन्हो बार्साका समर्थनबाट नै आलोपचित भएका थिए । उक्त बिषयलाई लिएर स्वारेजले इनिस्ट्राग्रममा काउटिन्होसँगको तस्बिर सार्वजनिक गर्दै ‘हामी एक साथ बलिया छौ’ खेलेका छन् । 

लिभरपुलसँगको खेलमा दुई गोल गर्ने खेलाडी मेस्सीले समेत काउटिन्होको समर्थन गरेका छन् । मेस्सीले काउटिन्हो २०१८ मा बार्सिलोना आएपछि क्लबका लागि छुट्टै एक महत्वपूर्ण प्रभाव राखेको बताएका छन् । 

‘हामी एक निर्णायक समयमा छौ र कसैको आलोचना गर्ने समय हैन् ।’ मेस्सीले भने, ‘सिजनको सुरुवातमा हामीले जस्तो गर्ने बताएका छौ अहिले त्यो समय आएको छ ।’ उनले थपे, ‘टिमको साथि यसरी अपमानित भएको देख्नु दुखको बिषय हो । हामी सबै एक साथ हुनपर्छ र एक अर्कालाई समर्थन गर्नु पर्छ ।’ 

पछिल्लो समय संघर्षपूर्ण प्रदर्शन गरि रहेको काउटिन्होलाई केहि साता पहिले बार्सिलोनाले बेच्ने चर्चा चलेको थियो । उनी गत सिजन १४२ मिलियन पाउण्डको कीर्तिमानी मुल्यमा लिभरपुलबाट बार्सिलोना अनुबन्धित भएका थिए । 

गत सिजन उनले बार्सिलोनाका लागि सबै खाले २० खेलमा १० गोल गरेका थिए । जारी सिजनमा उनले ला लिगामा ३३ खेल खेल्दा ५ गोल गरेका छन् । उनले सबै खाले ५१ खेलमा ११ गोल गरेका छन् ।