यू-१९ टोली स्वदेश आइपुग्यो

काठमाडौं- एएफसी यु-१९ महिला च्याम्पियनसिप छनोट अन्तर्गत दोस्रो चरणको छनोट खेल्न म्यानमार पुगेको नेपाली यू-१९ महिला फुटबल टोली स्वदेश आइपुगेको छ । नेपाली टोली बिहिबार स्वदेश आइपुगेको हो । 

टोलीलाई अखिल नेपाल फुटबल संघ (एन्फा) का अध्यक्ष कर्मा छिरिङ शेर्पा लगायतले त्रिभुवन अन्तराष्ट्रिय विमानस्थलमा स्वागत गरेका थिए । दोस्रो चरणको छनोटमा तीन खेल खेलेको नेपालले सन्तोस जनक प्रदर्शन गर्न सकेन् । 

नेपाली टोलीले छनोटका तीन वटै खेल गुमाएको थियो । छनोटको पहिलो खेल अष्ट्रेलियासँग ११-१ को फराकिलो गोल अन्तरले पराजति भएको नेपाल दोस्रो खेलमा उज्वेकिस्तानसँग ४-० गोल अन्तरले पराजित भएको थियो । छनोटको अन्तिम खेल नेपालले आयोजक म्यानमारसँग खेलेको थियो । उक्त खेल २-१ ले गुमाउदै नेपाल प्रतियोगितामा जित विहिन भएको हो ।