मेस्सीलाई पहिलो पटक स्पेनको प्रतिष्ठित अवार्ड

एजेन्सी- अर्जेनिटी तथा स्पेनिस क्लब बार्सिलोनाका कप्तान लियोनल मेस्सीले पहिलो पटक स्पेनको प्रतिष्ठित अवार्ड जितेका छन् । उनले पहिलो पटक स्पेनको प्रतिष्ठित अवार्ड ‘सेन्ट जर्ज क्रस’ जितेका हुन् ।

सन् १९८१ बाट प्रदान गरिदै आएको यस अवार्डलाई क्याटलोनिया क्षेत्रको परिचय र संस्कृतिमा विशेष योगदान दिने व्यक्तिलाई प्रदान गरिने गरिन्छ । जुन अवार्ड स्पेनको क्याटलोनियाले सरकारले प्रदान गर्ने गर्दछ । 

बार्सिलोनाबाट खेल्दै आएका मेस्सीले क्याटलोनिया र बार्सिलोनाका लागि विशेष योगदान पुर्याएको भन्दै उनलाई पहिलो उपट उक्त अवार्डले सम्मान गरिएको हो । मेस्सीको कप्तानीमा रहेको बार्सिलोनाले जारी सिजनको पहिलो उपाधि जिति सकको छ । 

सिजनको पहिलो उपाधिको रुपमा ला लिगाको उपाधि जितेका उनले अबको लक्ष्य च्याम्पियन्स लिग भएको बताएका छन् । उनले ला लिगामा जारी सिजनका ३२ खेल खेल्दा ३४ गोल गरेका छन् । 

सबै खाले ४५ खेलमा ४६ गोल गरेका मेस्सी यस सिजनको गोल्डेनबुटका एक्ला दाबेदारका रुपमा रहेका छन् । उनले यसअघि पाँच पटक बालोन डी’ओर अवार्ड जितिसकेका छन् ।