एएफसी यू-१९ छनोटमा नेपाल जित विहिन

काठमाडौं- एएफसी यू-१९ महिला च्याम्पियनसिप छनोट अन्तर्गत दोस्रो चरणको छनोटमा नेपाल जित विहिन भएको छ । छनोट चरणका तीन खेल खेलेको नेपालले तीनवटै खेलमा जित निकाल्न नसक्दा नेपाल जित विहिन भएको हो ।
 
मंगलबार भएको अन्तिम खेलमा नेपालले म्यानमारसँग सुरुवाती अग्रता जोगाउन नसक्दा नेपाल पराजित भएको थियो । पहिलो हाफमा १-० को अग्रता लिएको नेपालले दोस्रो हाफमा दुई गोल खादै छनोटमा जित विहिन भयो । 

खेलको ३९ औं मिनेटमा मनिषा राउतले पेनाल्टीमा गोल गर्दै नेपालले सुरुवाती अग्रता लिएको थियो । प्रिती राईलाई म्यानमारका खेलाडीले लडाएपछि नेपालले पाएको पेनाल्टीमा मनिषले गोल गरेकी थिइन् । 

तर, खेलको ४७ औं मिनेटमा म्यानमारले गोल गर्दै खेल बरारबरीमा ल्याए । त्यसपछि म्यानमारले पुन थप एक गोल गरेपछि नेपाल २-१ गेल अन्तरले पराजति भएको हो । 

छनोटको पहिलो खेलमा अष्ट्रेलियासँग ११-१ को फराकिलो अन्तले पराजित भएको नेपाल दोस्रो खेलमा उज्वेकिस्तानसँग ४-० गोल अन्तरले पराजित भएको थियो ।