मनाङ हारेर पनि दबाबमा छैन : प्रशिक्षक छिरिङ

काठमाडौं- एएफसी कप अन्तर्गत मेनर्भा पन्जावसँग बुधबार हुने खेलका लागि मौसम समस्या हुने मनाङ मस्र्याङ्दी क्लबका प्रशिक्षक छिरिङ लोप्सांगले बताएका छन् । आफु सुखद जलवायुमा बसेकाले उक्त मौसममा तालमेल मिल्न गाह्रो हुने प्रशिक्षक छिरिङले बताएका हुन् । 

मंगलबार भएको पत्रकार सम्मलेनमा बोल्दै प्रशिक्षक छिरिङले मेनर्भासँगको खेलमा मौसम समस्य भएको बताएका हुन् । ‘हामी सुरुवाती दुई खेल गुमाई सकेका छौ । तर, हाम्रो टिममा कुनै दबाब छैन् । यदी सुरुवाती दुई खेल हाम्रो पक्षयमा भएको भए । बुधबारको खेलमा हामीलाई दाबब हुने थियो ।’ 

प्रशिक्षक छिरिङले भने, ‘मैले एएफसी कप भन्दा पहिला देखी नै क्लबलाई सम्हाल्दै आएको छु । जहाँ ए डिभिजन लिग देखी क्लबलाई बुझ्दै आएको छु ।’ उनले थपे, ‘मैले हाल टिममा केही परिवर्तन गरेको छु र मलाई लाग्छ हामी पहिले भन्दा अहिले बढी सक्षम छौ ।’ 

कप्तान विराज महर्जनले भारतीय फुटबलसँग राम्रोसँग परिचित भएको बताएका छन् । उनले फुटबल एक टिम गेम र भारतीय खेलाडीसँग नजिकका कारण बुधबारको खेलमा केही सहज हुने बताए । 

यता मेनर्भाका प्रशिक्षकले बुधबारको खेल जित्नै पर्ने बताएका छन् । उनले यदी मेनर्भालाई प्रतियोगितामा अगाडी बढ्नु पर्ने भए मनाङसँगको खेल जित्नै पर्ने दबाब रहेको बताएका छन् । यसका लागि फ्नो टिमलाई मौसम फाइदा जनक भएको बताएका छन् ।