केएनपी महिला भलिबलको उपाधि एपिएफलाई

काठमाडौं- पाँचौ संस्करणको केएनपी राष्ट्रिय महिला भलिबल प्रतियोगिताको उपाधि विभागिय टोली एपिएफले उचालेको छ । मंगलबार भएको फाइनलखेलमा अर्को विभागीय टोली त्रिभुवन आर्मी क्लबलाई ३-० को सोझो सेटमा पराजित गर्दै एपिएफ च्याम्पियन बनेको हो । 

पहिलो सेटमा एपिएफसँग २५-१४ ले पराजित भएको आर्मी दोस्रो सेटमा २५-९ ले पराजित भएको थियो । त्यस्तै तेस्रो सेटमा २५-१५ ले पराजित हुँदै आर्मीले उपाधि जित्ने मौका गुमायो । यससँगै एपिएफले बर्षको सुरुवातमा नै दुई उपाधि जितेको छ । 

उपाधिसँगै एपीएफले २ लाख नगद प्राप्त गर्यो । उपविजेता बनेको आर्मीले १ लाखमा प्रप्त गर्यो । तेस्रो भएको न्यू डायमण्डले ५० हजार प्रप्त गर्यो । न्यू डायमण्डले नेपाल पुलिस क्लबलाई ३-० को सोझो सेटमा पराजित गर्दै तेस्रो भएको थियो ।