एनसिएल महिला टी-२० क्रिकेटको मिति सर्यो 

काठमाडौं- एनसिएल महिला टी-२० क्रिकेटको मिती पुन सारिएको छ । यसअघि आगामी जेस्ठ ६ देखी १३ गते सम्म संचालन हुने तय भएको महिला क्रिकेको मिती जेस्ठ २४ देखी ३० सम्मका लागि सारिएको छ । 

यसअघि एनसिएल स्पोर्ट्स प्रालिले किर्तिपुरस्थित टियू क्रिकेट मैदानमा प्रतियोगिता आयोजना गर्ने तय गरेको थियो । तर सोहि मिति र स्थानमा राष्ट्रिय खेलकुद परिषद्ले आयोजना गर्ने प्रधानमन्त्री कप क्रिकेटको मितिसँग जुधेपछी महिला क्रिकेटको मिति सारिएको हो ।  

पिएम कपसँग मिति जुधेपछि ‘परिषद्’ले नै महिला क्रिकेट लिगको नयाँ मिति तोक्न सुचना पठाएकाले प्रतियोगिताको नयाँ मिति तोकिएको आयोजकले प्रेसरिलिजमा जनाएको छ ।  

प्रतियोगिताका लागि टिम र मार्की प्लेयरको घोषणा सहित प्लेयर्सको अक्सन समेत गरेर तयारी पुरा भैसकेको थियो । प्रतियोगितामा अक्सन मार्फत हरेक टिमले १३-१३ जना खेलाडिहरु आफ्नो टिमका अनुबन्ध गरेको छ । 

क्रिकेट लिगमा ४ सहरका ४ फ्रेन्चाइज्ड टोलीकोहरुको सहभागिता रहनेछ । सहभागी टोलीमा विराटनगर रोअरिङ्ग लायोनेस, भैरहवा क्विन्स, धनगढी वन्डर वोमेन र काठमाडौं सुपर च्याम्पियन्स रहेका छन् ।