सिजनको दोस्रो लक्ष्य सुरु भयो : मेस्सी

एजेन्सी- अर्जेन्टिनी तथा बार्सिलोनाका कप्तान लियोनल मेस्सीले जारी सिजनको अर्को लक्ष्य सुरु भएको बताएका छन् । उनले सिजनको उपहिलो उपाधिका रुपमा स्पेनिस ला लिगाको उपाधि उचालेसँगै अब अर्को लक्ष्य सुरु भएको बताएका हुन् । 

उनले ला लिगाको उपाधि पछि खेलाडीमा केही सहजता र दबाब कम भएको महसुस गरेको समेत बताएका छन् । ‘हामी यो सिजन सानदार बनाउन चाहन्छौ । हाम्रो एउटा लक्ष्य पुरा भयो । अब अर्को लक्ष्यका लागि दौडमा छौ ।’ 

कप्तान मेस्सीले भने, ‘घरेलु मैदानमा घरेलु समर्थकका साथ सिजनको पहिलो उपाधि उचाल्यौ । अब दोस्रो उपाधिका लागि उपाधिको महत्वपूर्ण क्षणमा घरेलु मैदानबाटै सुरुवात गर्दै छौ ।’ 

बार्सिलोनाले युइएफए च्याम्पियन्स लिग अन्तर्गत सेमिफाइनलको पहिलो लेग बुधबार राती आफ्नो घरेलु मैदानमा इंग्लिस क्लब लिभरपुलसँग खेल्दै छ । ‘पहिलो उपाधि जितेपछि खेलाडीमा केही दबाब कम भएको महसुस भएको छ । जसले गर्दा दोस्रो लक्ष्य प्राप्तिमा सहन हुने देखिन्छ ।’ 

मेस्सीले भने, ‘अहिले हामी पूर्ण रुपमा च्याम्पियन्स लिगका लागि केन्द्रित छौ । जहाँ एक रोमाञ्चक खेल हुन गहिरहेको छ ।’ मेस्सीले लिभरपुल एक बलियो टोली भएकाले आफुहरु सचेत रहेको समेत बताएका छन् ।