उपाधि जित्न बार्सिलोना तयार

एजेन्सी- स्पेनिस महारथी क्लब बार्सिलोना जारी सिजनको पहिलो उपाधि जित्न आतुर रहेको छ । बार्सिलोनाले आज (शनिबार) हुने लेभान्टेविरुद्वको खेल जिते तीन खेल अगावै लिगको उपाधि जित्ने छ । खेल बार्सिलोनाको घरेलु मैदान क्याम्प नाउमा नेपाली सयम अनुसार राती १२:३० बजे सुरु हुने छ । 

त्यसैले आजको खेलमा बार्सिलोनाले आफ्ना पहिलो रोजाइका खलाडी उतार्ने भएको छ । बुधबार राति लिभरपुलसँग च्याम्पियन्स लिग अन्तर्गत सेमिफाईनलको पहिलो लेग खेल्ने भएपनि लेभान्टेविरुद्धको खेलमा पहिलो रोजाइका खेलाडीलाई विश्राम नदिने प्रशिक्षक अर्नेस्टो भाल्भार्डेले बताएका छन् । 

ला लिगामा आजै हुने अर्को खेलमा एट्लेटिको मड्रिडले रियल भालाडोलिडसँग खेल्दै छ । खेल नेपाली समय अनुसार राती ८ बजे सुरु हुनेछ । यस खेलमा एट्लेटिकोले जित निकाल्न नसकेमा बार्सिलोना सिधै च्याम्पियन बन्ने छ । तर, एट्लेटिकोले खेल जिते बार्सिलोनाले लेभान्टेविरद्धको खेल जित्नै पर्ने छ । बार्सीलोनाले यस सिजनको ला लिगा उपाधि जिते यो लगातार पाँचौ पटक च्याम्पियन हुने छ ।