नेयमारलाई तीन खेल प्रतिबन्ध

एजेन्सी- ब्राजिलियन तथा पेरिस सेन्ट जर्मेन (पिएसजी)का फर्वाडर नेयमारलाई तीन खेलको प्रतिबन्ध लगाइएको छ । युरोपियन फुटबलको सर्वोच्च निकाय युएईएफएले नेयमाारलाई तीन खेलको प्रतिबन्ध लगाएको हो ।

च्यम्पियन्स लिग अन्तर्गत प्रि-क्वाटरफाइनलको दोस्रो लेगमा म्यानचेस्टर युनाइटेडसँग पिएसजी पराजित हुँदा रेफ्रिको निर्णय प्रति गरेको आपत्तिजनक प्रतिक्रियाका कारण नेयमारलाई तीन खेलको प्रतिबन्ध लगाएको हो । 

उक्त खेलमा पिएसजी युनाइटेडसँग ३–१ ले पराजित हुँदै च्याम्पियनस लिगबाट बाहिरीएको थियो । तीन खेल प्रतिबन्ध भएसँगै अब नेयमारले च्यम्पियनस लिगका आगामी सिजनका सुरुवाती तीन खेल गुमाउने भएका छन् ।  

उक्त खेलमा नेयमार भने उपस्थित थिएनन् । उनी चोटका कारण मैदान बाहिर रहेका थिए । लामो समय मैदान बाहिर रहेका नेयमार गत साता मोनाकोविरुद्धको खेलमा मैदान फर्किएका थिए । 

नेयमारले जारी सिजनमा पिएसजीका लागि फ्रेन्स लिग वानका १४ खेल मात्र खेलेका छन् । उनले लिग वानका १४ खेलमा १३ गोल गरेका छन् । सबै खाले २४ खेल खेलेका नेयमारले २० गोल गरेका छन् । गत सिजन उनले सबै खाले ३० खेलमा २८ गोल गरेका थिए ।