नेपाली राष्ट्रिय क्रिकेट टोलीलाई निर्वाणा वेलनेसको प्रायोजन

काठमाडौं- नेपाली राष्ट्रिय क्रिकेट टोलीलाई निर्वाणा वेलनेस सेन्टरले प्रयोजन गरेको छ ।  नेपाली क्रिकेट टोलीलाई निर्वाणा वेलनेस सेन्टरले दुई बर्षका लागि प्रायोजन गरेको हो । 

शुक्रबार निर्वाणा वेलनेस सेन्टर परिसरमा एक कार्यक्रमको आयोजना गर्दै निर्वाणा वेलनेस सेन्टरका सञ्चालन प्रमुख राजनशाही र नेपाली क्रिकेट टिमका कप्तान पारस खड्काले सम्झौता पत्रमा हस्ताक्षर गरेका हुन् । 

उक्त समझदारी पत्र अनुसार निर्वाणा वेलनेस सेन्टर आगामि दुईबर्ष सम्मका लागि नेपाली क्रिकेट टिमको आधिकारिक फिटनेश सेन्टरको रुपमा सेवा प्रदानगर्नेछ । फिटनेसका लागि एकै पटकमा ६० जनाले सेवालिन सक्ने क्षमता भएको उक्त निर्वाणा वेलनेश सेन्टरले चिकित्साजाँच तथा परामर्श सहित शारिरिक सुगठन तालिमको विषेश किसिमको सेवा प्रदानगर्दै आईरहेको छ । 

नेपाली क्रिकेट टिमका सदस्यहरु यस समझदारीबाट आफ्नो नियमित शारिरिक अभ्यास तथा सुगठनमा सहयोग पुग्ने विश्वासका लिएको निर्वाणा वेलनेस सेन्टरका सञ्चालन प्रमुख राजनशाहीले बताए । 

कार्यक्रममा फिटनेश तथा पर्सनल ट्रेनिङ्ग डाईरेक्टर मिलन बिक्रम सिजापति तथा नेपाली क्रिकेट टिमका मेनेजर रमन सिवाकोटी समेतको उपस्थित रहेको थियो ।