नेपालको खराब सुरुवात

काठमाडौं- एएफसी यू-१९ महिला च्याम्पियनसिप छनोट अन्तर्गत दोस्रो चरणको छनोटमा नेपालले खराब सुरुवात गरेको छ । आफ्नो पहिलो खेलमा अष्ट्रेललियासँग ११-१ गोलको फराकिलो अन्तरले पराजति हुँदै नेपालले प्रतियोगितामा खराब सुरुवात गरेको हो । 

म्यानमारको मण्डलेस्थित मण्डलर थिरी स्टेडियममा शुक्रबार भएको खेलको पहिलो हाफमा नेपाल ६-१  गोल अन्तरले पछि परेका थियो । सुरुवाती ४५ मिनेट भित्र ६-० गोल अन्तरले पछि परेको नेपालले लागि पहिलो हाफको इन्जुरी समयमा एक गोल फर्काएको थियो । 

नेपालका लागि पहिलो हाफमा इन्जुरी समयमा मन्जली कुमारी योञ्जनले एक गोल फर्काएकी हुन् । त्यसपछि दोस्रो हाफमा थप ५ गोल खाँदै नेपाल ११-१ गोल अन्तरले पराजति भएको हो । 

अब नेपालले अप्रिल २८ मा उज्वेकिस्तान र ३० अप्रिलमा आयोजक म्यानमारसँग खेल्नेछ । छनोटको शीर्ष टोलीले एएफसी यू-१९ च्याम्पियनसिपमा स्थान बनाउने छन् ।