माने र जोटाको गोलमा लिभरपुलको जित

इङ्ग्लिस प्रिमियर लिग (ईपीएल) अन्तर्गत शनिबार साँझ सम्पन्न खेलमा लिभरपुलले जित निकालेको छ।

नेपाल समय | शनिबार, भदौ ५, २०७८

नेपाल समय

शनिबार, भदौ ५, २०७८

काठमाडौं– इङ्ग्लिस प्रिमियर लिग (ईपीएल) अन्तर्गत शनिबार साँझ सम्पन्न खेलमा लिभरपुलले जित निकालेको छ। लिभरपुलको घरेलु मैदान एनफिल्डमा भएको खेलमा उसले पाहुना टिम बर्नलीविरुद्ध २–० गोलको जित निकालेको हो।

लिभरपुलको जितका लागि डियागो जोटा र साडियो मानेले एकएक गोलको योगदान गरे। खेलको १७औं मिनेटमै सिमिकासले दिएको पासको सदुपयोग गर्दै जोटाले गोल गरेका थिए। यससँगै लिभरपुलले पहिलो हाफमा एक गोलको अग्रता बनाएको थियो।

यता दोस्रो हाफमा मानेले अर्को गोल थपे। मानेका लागि डिफेन्डर अलेक्जेन्डर अर्नोल्डले पास उपलब्ध गराएका थिए।

यो जितसँगै लिभरपुलले तीन अंक थप गरेको छ। उपाधि दावेदारको रुपमा रहेको लिभरपुलले पहिलो खेलमा नविर्च सिटीलाई हराएको थियो।

यो जितसँगै उसले लिगमा ६ अंक बनाएर शीर्षस्थानमा छ। यता बर्नली भने दुवै खेलमा पराजित भएको छ।