एक खेल जिते बार्सिलोना च्याम्पियन

एजेन्सी- स्पेनिस महारथी क्लब बार्सिलोनाले अब एक खेल जिते यस सिजनको ला लिगा च्याम्पियन हुने छ । मंगरबार राती भएको खेलमा आलाभेसलाई पराजित गरेपछि बार्सिलोनालाई लिग च्याम्पियन बन्न मात्र एक जितको आवस्यक परेको हो । तर, आज (बुधबार) हुने खेलमा एट्लेटिको मड्रिड पराजित भए बार्सिलोना लिग च्याम्पियन हुने निश्चित छ ।

बार्सिलोनाले अलाभेसको घेलु मैदानमा उसैलाई २-० गोल अन्तरले पराजित गरेको हो । बार्सिलोनाको जितका लागि कार्लेस एलिना र लुईस स्वारेजले एक एक गोल गरे । पहिलो हाफ गोल रहित बराबरीमा सकिएको खेलको दोस्रो हाफमा दुबै गोल भएका थिए । 

खेलको ५४ औं मिनेटमा बार्सिलोनाले सुरुवाती अग्रता बनायो । बार्सिलोनाका लागि सुरुवाती गोल एरिनाले गरे । त्यसपछि त्यसको ६ मिनेट नबित्दै स्वारेजले गोल गरेपछि बार्सिलोना खेलमा २-० गोल अन्तरले अगाडी बढेको थियो । 

त्यसपछि दुबै टोलीबाट गोल हुन नसक्दा खेल बार्सिलोनाले आफ्नो पक्षमा पार्यो । बार्सिलोनाले ३४ खेलमा ८० अंक जोड्दै दोस्रो स्थानको एट्लेटिकोसँग १२ अंकको अग्रता लिएको छ । एक खेल कम खेलेको एट्लटिकोको ६८ अंक छ ।