हैदरावादलाई पराजित गर्दै चेन्नई शीर्ष स्थानमा

एजेन्सी-इन्डियन प्रिमियर लिग (आइपिएल) क्रिकेटमा सनराईजर्स हैदरावादलाई पराजित गर्दै चेन्नई सुपर किङ्स लिगको शीर्ष स्थानमा उक्लिएको छ । मंगलबार राती भएको खेलमा हैदरावादलाई ६ विकेटले पराजित गर्दै चेन्नई शीर्ष स्थानमा उक्लिएको हो ।

हैदरावादले दिएको १ सय ७६ रनको लक्ष्य पछ्याएको चेन्नईले १९.५ ओभरमा मात्र ४ विकेट गुमाएर पुा गर्यो । चेन्नईका लागि शेन वाट्सनले ९६ रनको उत्कृष्ट अर्धशतकीय पारी खेले । उनले ५३ बलमा ९ चौका र छक्का प्रहार गर्दै ९६ रन जोडेका हुन् ।

त्यस्तै सुरेश रैनाले ३८ रन जोडे । उनले २४ बलको सामना गर्दै ६ चौका र एक छक्का प्रहार गरे । अम्बाती रायडुले २१ र केदार जादवले ११ जोडे । हैदरावादका लागि राशिद खान, भुवनेश्वर कुमार र सन्दीप शर्माले समान एक एक विकेट लिए ।

यसअघि टस हारेर पहिले ब्याटिङको निम्तो पाएको हैदरावादले निर्धारित २० ओभरमा ३ विकेट गुमाएर १ सय ७५ रन बनाएको थियो । हैदरावादका लागि मनिस पाण्डे र डेभिड वार्नरले पारी खेले पनि टोलीको जितका लापग प्रयाप्त भएन् । 

पाण्डेले ४९ बल ७ चौका र ३ छक्का प्रहार गर्दै अविजित ८३ रनको योगदान दिएका थिए । त्यस्तै वार्नरले ५७ रन जोडे । उनले ४५ बलको सामना गर्दै तनि चौका र दुई छक्काको मद्दतमा ५७ रन जोडेका हुन् । विजय शंकरले २० बलमा २ छक्का र एक छक्का प्रहार गर्दै २६ रन जोडेका थिए । चेन्नईका लागि हर्बजन सिंहले २ तथा दिपक चाहरले १ विकेट लिए ।