महिला क्रिकेटमा एपीएफ च्याम्पियन

दाङ- आठौं राष्ट्रिय खेलकुद अन्तर्गत महिला क्रिकेटको उपाधी एपीएफले उचालेको छ । मंगलबार दाङको लमहीमा भएको उपाधि भिडन्त खेलमा प्रदेश नम्बर १ लाई ८७ रनको फराकीलो अन्तरले पराजित गर्दै एपीएफले उपाधी उचालेको हो। 

फाईनलमा पराजित प्रदेश नं. १ उपबिजेतामा चित्त बुझाउन बाध्य हुदा सुदुरपश्चिम प्रदेश तेस्रो भयो । टस जितेर ब्याटिङ गरेको एपीएफले २० ओभरमा पुरै विकेट गुमाएर १ सय २८ रन जोडो थियो ।  

एपिएफका लागि ज्योति पाण्डेले सर्वाधिक ४५ रन जोडीन् । त्यस्तै सिताराना मगरले ४२ रनको योगदान दिए । बलिङ्ग तर्फ प्रदेश १ कि रुविना क्षेत्री, सवनम राई र संगिता राइले समान ३र३ विकेट लिए। 

१ सय २९ रनको बिजयी लक्ष्य लिएर जवाफि ब्याटिङका लागि खेल मैदानमा उत्रेको प्रदेश नम्बर एक १९ दशमलव ४ ओभरमा अलआउट हुदै मात्र ४१ रनमा बनायो । प्रदेश १ का लागि रश्मि शर्मा चौलागाईले अविजित हुदै २७ रन जोड्न बाहेक अन्य खेलाडीको प्रदर्शन सोचे अनुरुप हुन सकेन । बलिङ्गमा एपीएफकी रितु कनोजिया, सरिता मगर र सीता राना मगरले समान २-२ विके लिइन । 

प्लेर अफ द म्याच रिता राना मगर घोषित भइन । प्रतियोगिताको बेस्ट बलर प्रदेश १ की संगिता राई, बेष्ट ब्याट्सवमन प्रदेश ७ कि कबिता जोशी, प्लेयर अफ द टुनामेन्ट प्रदेश १ कि रुविना क्षेत्री घोषित भइन् । 

दाङ क्रिकेट संघका अध्यक्ष प्रदिप मजगैयाको अध्यक्षता तथा राष्ट्रिय खेलकुद परिषदका केन्द्रीय सदस्य विनोद मैनालीको प्रमुख आतिथ्यतामा बिजेतालाई मेडल, ट्रफी तथा प्रमाणपत्र प्रदान गरिएको थियो ।