आर्मी फाइनलमा प्रवेश 

नेपालगन्ज- आठौं राष्ट्रिय खेलकुद अन्तर्गत त्रिभुवन आर्मी क्लब पुरुष फुटबलको फाइनलमा प्रवेश गरेको छ । मंगलबार नेपालगन्ज रंगशालामा भएको सेमिफाइनल खेलमा प्रदेश ५ लाई पेनाल्टी सुटआउटमा ३-१ ले पारजित गर्दै फाइनलमा प्रदेश गरेको हो । 

निर्धारित समयको खेलमा टोलीले २-२ गोलको बराबरी खेलेपछि खेलको निर्णय पेनाल्टी सुटआउटमा पुगेको थियो । पेनाल्टी सुटआउटमा भने आर्मीले बाजी मार्यो ।  प्रदेश नं.५ का दिपेन सिंह ठकुरिले रोक्न खोज्दा घुँडामा लागेर गएको बल गालेमा परिणत भएको थियो । 

त्यसपछि खेलको ३२ औं मिनेटमा दिपक कुमार लामाले गोल गर्दै आर्मीलाई पहिलो हाफमा २-० को अग्रता दिलाए । तर, दोस्रो हाफमा भने आर्मीले अग्रता जोगाउन सकेन् । खेलको ७५ औं मिनेटमा आर्मीका खेलाडीले पेनाल्टी बक्स भित्र हेन्ड गरेपछि पाएको पेनाल्टीमा प्रदेश ५ का लागि विनोद केसीले गोलमा परिणत गर्दै टोलीलाई खेलमा फर्काए । 

त्यसको पाँच मिनेट नबित्दै पुनः डि-बक्स भित्र आर्मीका खेलाडीले फाउल गरेपछि पाएको पेनाल्टीमा पुनः प्रदेश ५ का विनोदले नै गोल गर्दै खेल २-२ को बराबरीमा ल्याए । त्यस पछि दुबै टोलीबाट थप गोल हुन नसक्दा खेल पेनाल्टी सुटआउटमा धकेलीएको थियो । 

पेनाल्टीमा आर्मीका लागि आर्मीका लागि नवयुग श्रेष्ठ, सन्तोष तामाङ र विवेक बस्नेतले गोल गरे भने जितेन्द्र कार्की र दिपेन्द्र गुरुङको पेनाल्टी प्रदेश ५ का गोलरक्षक प्रितम खड्काले बचाएका थिए । त्यस्तै प्रदेश ५ का लागि पेनाल्टीमा  कृष्ण रानाभाटले मात्र गोल गर्न सके । 

प्रदेश ५ का दिपेन सिंह ठकुरी, चेतन थारु र विबेक पुनको पेनाल्टी सफल हुन सकेन । अब आर्मीले उपाधिका लागि नेपाल पुलिस क्लब र एपीएफबीचको विजेतासँग प्रतिस्पर्धा गर्नेछ ।