लिभरपुल शीर्ष स्थानमा उक्लियो

एजेन्सी-कार्डिफ सिटीलाई पराजित गर्दै लिभरपुल इंग्लिश प्रिमियर लिग फुटबलको शीर्ष स्थानमा उक्लिएको छ । आइतबार राती भएको खेलमा सिटीलाई २-० गोल अन्तरले पराजित गर्दै लिभरपुल शीर्ष स्थानमा उक्लिएको हो । 

पाहुना टोलीको जितका लागि जर्जिनियो विजनाल्डम र जेम्स मिल्नरले एक एक गोल गरे । दुबै टोल दोस्रो हाफमा सम्भव भएका थिए । पहिलो हाफ गोलरहित बराबरीमा सकिएको खेलको ५६ औं मिनेटमा विजनाल्डमले गोल गर्दै पाहुना टोलीलाई सुरुवाती अग्रता दिलाए । 

त्यसपछि खेलको ८१ औं मिनेटमा मिल्नरले पेनाल्टीमा गोल गर्दै लिभरपुललाई २-० को जित दिलाए । यसजितसँगै लिभरपुलले दोस्रो स्थानको म्यानचेस्टर सिटी भन्दा दुई अंकको अग्रता बनाएकोछ । 

तर, सिटीले लिभरपुल भन्दा एक खेल कम खेलेको छ । लिभरपुलले ३५ खेलबाट ८८ अंक जोड्दै शीर्ष स्थानमा दुई अंकको अग्रता बनाएको हो भने एक खेल कम खेलेको म्यानचेस्टर सिटीको ८६ अंक छ । पराजित कार्डिफ ३१ अंक जोडेर पुछार तेस्रो स्थानमा छ  ।