च्यासल युथ क्लबले एकेडेमी सञ्चालन गर्न पुस्पसदन विद्यालयसँग गर्‍यो सम्झौता

काठमाडौं- च्यासल युथ क्लबले फुटबल एकेडेमी सञ्चालनका लागि पुस्पसदन बोर्डिङ विद्यालयसँग सम्झौता गरेको छ।

सहिद स्मारक ए डिभिजन क्लब च्यासलले एकेडेमी सञ्चालनका लागि विद्यालयसँग सम्झौता गरेको हो।

'च्यासल युथ क्लब सदैव फुटबल बिकासका लागि प्रयासरत छ। क्लबले अब फुटबलमा युवा खेलाडी बिकास र उथानका लागि एकेडेमी सञ्चालन गर्ने लागेको जनकारी गराउँदछौं,' क्लबले जारी गरेको विग्यप्तिमा भनिएको छ।

च्यासल युथ क्लब, अखिल नेपाल फुटबल संघ (एन्फा) र कीर्तिपुरस्थित पुष्पसदन बोर्डिङ हाई स्कुलबिचको सहकर्यमा फुटबल एकेमेडी स्थापना गरिएको हो।

एकेडेमी सञ्चालनका लागि क्लबका अध्यक्ष रमेश ब्यन्जनकार र पुष्पसदन बोर्डिङका प्रिन्सिपल राम धन राईले सम्झौतापत्रमा हस्ताक्षर गरे। एकेडेमी च्यासल-पुष्पसदन युथ फुटबल एकेडेमीको नामबाट सञ्चालन हुने छ।

क्लबका ७ खेलाडी र स्कूलका ७ जना गरि जम्मा १४ जना खेलाडी पहिलो वर्ष एकेडेमीमा सामेल हुनेछन् भने क्लबले दोस्रो वर्षमा अन्य सात जना खेलाडी थप्दै कूल २१ खेलाडीलाई प्रशिक्षण दिने छ।